Popular Bible Verses from Tơlơi Bơrơđah 6

Share

Kâo lăng, anai nê hmâo sa drơi aseh ƀhul. Anăn pô đĭ aseh anŭn jing Tơlơi Djai, laih anŭn plei Ƀing Djai tui klon ñu. Gơñu hmâo tơlơi dưi ƀơi sa črăn amăng pă črăn lŏn tơnah, kiăng pơdjai hăng đao, hăng tơlơi ư̆ rơpa, hăng tơlơi ruă klin, laih anŭn hăng khul hlô glai hơtai ƀơi lŏn tơnah.

Kâo lăng, anai nê hmâo sa drơi aseh kŏ. Pô đĭ aseh anŭn djă sa ƀĕ hraŏ, laih anŭn arăng brơi kơ ñu sa boh mŭk pơtao. Ñu đuaĭ nao kar hăng sa čô mơnuih pơblah dưi laih anŭn pơpă ñu nao pơ anŭn ñu dưi.

Tơdang Ană Triu pŏk mơnơ̆ng kơđŏm tal rơma, kâo ƀuh gah yŭ kơƀang ngă yang hmâo bơngăt ƀing arăng pơdjai laih yua kơ boh pơhiăp Ơi Adai laih anŭn yua kơ tơlơi gơñu ngă gơ̆ng jơlan.

Gơñu ur kraih tui anai: “Ơ Khua Yang jing Pô rơgoh hiam laih anŭn sĭt, hơdôm sui dơ̆ng Ih či phat kơđi, laih anŭn rŭ nua kơ ƀing dŏ ƀơi lŏn tơnah yua kơ drah ƀing gơmơi?” Arăng brơi kơ rĭm čô gơñu sa blah ao phyung kŏ, laih anŭn arăng pơtă gơñu khŏm pơdơi sui ƀiă dơ̆ng, tơl mrô ƀing mă bruă hrŏm hơbĭt hăng gơñu tum laih, laih anŭn ƀing adơi ayŏng gơñu khŏm tŭ tơlơi djai kar hăng gơñu tŭ laih.

Laih anŭn sa drơi aseh pơkŏn, mriah hêm tơbiă rai. Pô đĭ aseh anŭn hmâo tơlơi dưi mă lui hĭ tơlơi rơnŭk rơnua mơ̆ng lŏn tơnah, kiăng kơ ƀing mơnuih pơdjai tơdruă gơñu; laih anŭn arăng ăt brơi kơ ñu sa ƀĕ đao prŏng.

Yua kơ hrơi ƀing Gơñu hil kơtang truh laih, laih anŭn hlơi dưi dŏ dơ̆ng?”

Tơdang Ană Triu pŏk mơnơ̆ng kơđŏm tal năm, kâo ƀuh tơlơi pơpư̆ lŏn tơnah kơtang kơtĭt; yang hrơi jing hĭ kơnăm kar hăng bơnal jŭ, yang blan jing hĭ mriah kar hăng drah, khul pơtŭ amăng adai lĕ trŭn ƀơi lŏn tơnah kar hăng khul boh hra mơtah ruh trŭn mơ̆ng phŭn hra hlăk angĭn kơtang.

Tơdang Ană Triu pŏk mơnơ̆ng kơđŏm tal klâo, kâo hmư̆ hlô mơnơ̆ng hơdip tal klâo laĭ: “Rai bĕ!” Kâo lăng, anai nê hmâo sa drơi aseh jŭ. Pô đĭ aseh anŭn amăng tơngan ñu djă boh kơnăng. Laih anŭn kâo hmư̆ kar hăng sa asăp tơ̆ng krah pă drơi hlô mơnơ̆ng hơdip laĭ: “Sa ƀuat pơdai tơpŭng mơdôm sa đơniê, laih anŭn klâo ƀuat pơdai ôrgơ mơdôm sa đơniê, samơ̆ anăm ngă răm ôh kơ ia ôliwơ laih anŭn ia tơpai!”

Adai rơngiă hĭ kar hăng čơkul hră klĭ lom glaĭ, abih bang khul čư̆, abih bang khul plao ia leng kơ tơglưh đuaĭ mơ̆ng anih gơñu. Laih anŭn ƀing pơtao ƀơi lŏn tơnah, ƀing khua prŏng, ƀing khua tơhan, ƀing pơdrŏng, ƀing hmâo tơlơi dưi, abih bang ƀing hlŭn laih anŭn ƀing rơngai leng kơ đuaĭ kơdŏp amăng par laih anŭn amăng anih boh pơtâo ƀơi čư̆.