Popular Bible Verses from Tơlơi Bơrơđah 5

Share

Ƀing gơñu adoh sa tơlơi adoh phrâo tui anai: “Ih yơh năng lăp mă čơkul hră klĭ anŭn Laih anŭn yaih mơnơ̆ng kơđŏm, yua kơ arăng hmâo pơdjai Ih laih, Laih anŭn hăng drah Ih pô Ih hmâo song mă laih ƀing mơnuih kơ Ơi Adai Ƀing mơnuih lơ̆m kơ abih bang kơnŭng djuai, abih bang tơlơi pơhiăp, abih bang djuai mơnuih, laih anŭn abih bang lŏn čar.

Gơñu adoh hăng asăp kraih: “Ană Triu arăng hmâo pơdjai laih, Năng lăp mă tŭ tơlơi dưi mơyang, tơlơi pơdrŏng, tơlơi kơhnâo, Tơlơi kơtang, tơlơi pơpŭ, tơlơi guh kơang, laih anŭn tơlơi arăng pơ-ư bơni!”

Ih ngă brơi gơñu jing hĭ sa boh dêh čar pơtao laih anŭn ƀing khua ngă yang kơ Ơi Adai ƀing ta, Laih anŭn gơñu či gĭt gai ƀơi lŏn tơnah.”

Laih anŭn kâo hmư̆ abih bang mơnơ̆ng hrih pơjing amăng adai, ƀơi lŏn tơnah, gah yŭ lŏn tơnah, amăng ia rơsĭ, laih anŭn abih bang mơnơ̆ng amăng khul anih anŭn adoh: “Kơ Pô dŏ ber ƀơi gre pơtao laih anŭn kơ Ană Triu Năng lăp hmâo tơlơi arăng pơ-ư bơni, tơlơi pơpŭ, tơlơi guh kơang, laih anŭn tơlơi dưi kơtang amăng abih bang rơnŭk hlŏng lar!”

Laih anŭn hmâo sa čô amăng ƀing kŏng tha laĭ kơ kâo: “Anăm hia ôh; anai nê, Rơmông Dŭl kơnŭng djuai Yuđa, ană tơčo Đawit dưi laih, Ñu yơh dưi pŏk čơkul hră klĭ anŭn, laih anŭn yaih tơjuh mơnơ̆ng kơđŏm anai.”