Popular Bible Verses from Tơlơi Bơrơđah 3

Share

Anai nê, Kâo dŏ dơ̆ng ƀơi bah amăng laih anŭn khŏk, tơdah hlơi pô hmư̆ asăp Kâo laih anŭn pŏk bah amăng, Kâo či mŭt amăng sang ñu, ƀơ̆ng huă hrŏm hơbĭt hăng ñu, laih anŭn ñu hrŏm hơbĭt hăng Kâo.

“Kâo thâo bruă ih; ih ƀu rơŏt kŏn pơ-iă lơi, Kâo kiăng kơ ih rơŏt sĭt ƀôdah pơ-iă sĭt. Tui anŭn, yua kơ ih pơđao hơhor đôč, ƀu rơŏt kŏn pơ-iă lơi, anŭn yơh Kâo či ĕk lui ih mơ̆ng amăng bah Kâo.

Ƀing mơnuih Kâo khăp, Kâo ƀuah laih anŭn pơkra pơjuăt; tui anŭn brơi ih hur har laih anŭn kơhmal bĕ.

“Kâo thâo khul bruă ih. Anai nê, kâo hmâo pŏk laih ƀơi anăp ih sa boh bah amăng, ƀu hmâo hlơi pô dưi krư̆ hĭ ôh. Kâo thâo ih hmâo kơnơ̆ng ƀiă tơlơi kơtang, samơ̆ ăt djă pioh tơlơi kâo pơhiăp, laih anŭn ƀu hơngah anăn kâo ôh.

Hlơi pô dưi, Kâo či brơi ñu dŏ ber hrŏm hơbĭt hăng Kâo ƀơi gre pơtao Kâo, kar hăng Kâo pô dưi laih, laih anŭn dŏ ber laih hrŏm hơbĭt hăng Ama Kâo ƀơi gre pơtao Ñu.”

Yua kơ ih laĭ: Kâo pơdrŏng, kâo đĭ kơyar laih, kâo ƀu kiăng hơgĕt dơ̆ng ôh. Samơ̆ ih ƀu thâo ôh ih hlăk tơnap tap, pap mơñai đơi, ƀun rin, bum mơta laih anŭn mơhlŭn.

Yua kơ ih hmâo gir djă pioh boh pơhiăp Kâo laih, hnŭn yơh Kâo ăt či pơgang ih klaih mơ̆ng mông tơlơi lông lăng, jing mông či truh tar ƀar lŏn tơnah, kiăng lông lăng ƀing mơnuih dŏ ƀơi lŏn tơnah.

Kâo či rai tañ. Djă pioh kơjăp bĕ hơgĕt tơlơi ih hlăk dŏ hmâo, kiăng kơ arăng ƀu sua mă hĭ ôh mŭk pơtao ih.

Tui anŭn, dŏ răng bĕ laih anŭn ngă pơkơjăp hơgĕt tơlơi dŏ glaĭ, jing khul tơlơi giăm djai, yua kơ Kâo ƀu ƀuh ôh khul bruă ih jing klă tum ƀơi anăp Ơi Adai Kâo.