Popular Bible Verses from Tơlơi Bơrơđah 2

Share

Samơ̆ anai tơlơi kâo ƀuah kơ ih, ih hmâo lui hĭ laih tơlơi khăp ih hmâo mơ̆ng blŭng hlâo.

Tui anŭn hơdơr glaĭ bĕ mơ̆ng pă ih hmâo lĕ rơbuh laih, kơhmal bĕ laih anŭn ngă glaĭ dơ̆ng bruă ih hmâo ngă laih mơ̆ng blŭng hlâo. Tơdah ih ƀu kơhmal ôh, kâo či rai pơ ih laih anŭn či mă hĭ gơ̆ng apui kơđen ih mơ̆ng anih gơ̆.

Anăm hwĭ ôh kơ khul tơlơi tơnap tap ih či tŭ. Nai nê yang sat či glŏm đơđa mơnuih amăng ƀing gih amăng sang krư̆, kiăng lông lăng ƀing gih; laih anŭn ƀing gih či tŭ tơlơi tơnap amăng pluh hrơi. Brơi ih tŏng ten tơl djai, laih anŭn kâo či brơi kơ ih mŭk pơtao tơlơi hơdip.”

Hlơi pô hmâo tơngia, brơi ñu hmư̆ bĕ tơlơi Yang Bơngăt Hiam laĭ kơ Phung Sang Ơi Adai. Hlơi pô dưi, Kâo či brơi ñu ƀơ̆ng boh kơyâo tơlơi hơdip amăng Parađi Ơi Adai.’”

“Kâo thâo khul bruă ih hmâo ngă, tơlơi gleh glăn ih, tơlơi gir ih. Kâo thâo ih ƀu tŭ ôh ƀing sat ƀai, samơ̆ ih hmâo pơlông lăng laih ƀing mơnuih laĭ ƀing gơñu jing ƀing khua ding kơna samơ̆ ƀu djơ̆ ôh, laih anŭn ih thâo krăn ƀing gơñu jing ƀing ƀlor.

Ih gir tŭ tơlơi tơnap tap yua kơ anăn kâo, laih anŭn ih ƀu hơtah hơtai ôh.

Hlơi pô hmâo tơngia, brơi ñu hmư̆ bĕ tơlơi Yang Bơngăt Hiam laĭ kơ Phung Sang Ơi Adai. Hlơi pô dưi Kâo či brơi kơ ñu ƀañ tơpŭng mana pơdŏp hơgơ̆m; laih anŭn Kâo či brơi kơ ñu sa boh pơtâo kŏ, ƀơi boh pơtâo kŏ anŭn arăng hmâo čih laih sa anăn phrâo ƀu hmâo hlơi thâo ôh, kơnơ̆ng pô mă tŭ đôč thâo.’”