Popular Bible Verses from Tơlơi Bơrơđah 16

Share

“Anai nê, kâo rai hrup hăng mơnuih klĕ! Mơyun hiam yơh kơ hlơi pô dŏ kơčăng laih anŭn wai lăng sum ao gơñu kiăng kơ ñu ƀu rơbat amăng tơlơi mơhlŭn ôh, laih anŭn arăng ƀu ƀuh ôh tơlơi mlâo hañ ñu!”

Ling jang tal năm tuh čơlŭ ñu ƀơi ia krong prŏng Ơphrat, ia krong anŭn thu hĭ, kiăng pơkra jơlan brơi kơ ƀing pơtao mơ̆ng čar gah ngŏ.

Gơñu jing bơngăt yang sat, ngă khul gru kơnăl, nao pơ ƀing pơtao kơ abih bang lŏn tơnah, kiăng pơƀŭt glaĭ gơñu kơ tơlơi pơblah ƀơi hrơi prŏng Ơi Adai Dưi Kơtang.

Kâo ƀuh mơ̆ng amăng bah ana grai, mơ̆ng amăng bah hlô, laih anŭn mơ̆ng amăng bah pô laĭ lui hlâo ƀlor klâo čô yang grĭ hơƀak hrup hăng ajĭ tơbiă rai.

Tơlơi pơ-iă kơtang čuh hĭ ană mơnuih, laih anŭn ƀing gơñu hơtơ̆m pah kơ anăn Ơi Adai, Pô hmâo tơlơi dưi ƀơi tơlơi răm ruă anŭn. Samơ̆ ƀing gơñu ăt ƀu kơhmal tơlơi soh gơñu ôh, kiăng ngă guh kơang kơ Ơi Adai.

Tui anŭn ling jang tal sa nao laih anŭn tuh čơlŭ ñu pơ lŏn tơnah. Laih anŭn hmâo teng akăm ruă biă mă truh kơ ƀing mơnuih hmâo laih gru mơ̆ng hlô laih anŭn kơkuh pơpŭ kơ rup hlô.

Ƀing yang sat anŭn pơƀŭt glaĭ ƀing pơtao ƀơi sa anih arăng pia amăng tơlơi Hêbrơ Harmagêdôn.