Popular Bible Verses from Tơlơi Yap 13

Share

Hlăk anŭn, Kalep ngă brơi abih bang ană plei pla hlăk dŏ pơhiăp brŏk kơ Môis khŏm rơiăt hĭ tơdang ñu laĭ: “Ƀing ta đĭ nao bĕ laih anŭn plah sua mă lŏn čar, yua kơ sĭt biă mă ƀing ta dưi mă tŭ lŏn čar anŭn.”

Ƀing gơmơi hmâo ƀuh ƀing mơnuih prŏng glong anŭn, jing ană tơčo Anak, jing djuai mơnuih prŏng prin pơ anŭn. Ƀing gơmơi lăng glaĭ ƀing gơmơi pô hrup hăng kơtop laih anŭn ƀing gơñu lăng gơmơi ăt kar hăng anŭn mơ̆n.”

Samơ̆ ƀing mơnuih nao hrŏm hăng Kalep laĭ tui anai: “Ƀing ta ƀu dưi đĭ nao pơkơdơ̆ng hăng ƀing mơnuih lŏn čar anŭn ôh, yua gơñu kơtang hloh kơ ƀing ta.”

Gơñu ruai glaĭ kơ ƀing ană plei pla Israel kơ lŏn čar gơñu hmâo nao kơsem lăng, anŭn jing tơlơi ƀu hiam kơ ană plei pla ôh tơdang gơñu laĭ: “Lŏn čar ƀing gơmơi hmâo nao kơsem lăng anŭn jing lŏn čar lun ƀơ̆ng ƀing ană plei pla ñu pô. Abih bang ƀing mơnuih gơmơi hmâo ƀuh ƀơi anŭn leng kơ jing ƀing mơnuih prŏng glong soh sel.

Ƀing mơnuih anŭn ruai glaĭ kơ Môis tui anai: “Ƀing gơmơi hmâo nao laih pơ anih lŏn ƀing gih hmâo pơkiaŏ gơmơi nao. Lŏn anŭn jing lŏn hiam laih anŭn pơdrŏng sah; anai jing boh troh mơ̆ng lŏn čar anŭn.

Samơ̆, mơnuih amăng lŏn čar anai jing kơtang biă mă, pơnăng plei gơñu kơjăp laih anŭn prŏng. Ƀing gơmơi ăt ƀuh mơ̆n ƀing ană tơčo Anak pơ anŭn.

Ƀing mơnuih Amalek dŏ amăng čar Nêgep; mơnuih Hitit, mơnuih Jêbusit hăng mơnuih Amôrit dŏ ƀơi bul čư̆; mơnuih Kanaan dŏ giăm ia rơsĭ laih anŭn kơtuai hăng ia krong Yurdan.”

Ƀing kơnuă nao pơ Môis, Arôn hăng abih bang ană plei Israel ƀơi anih Kadês amăng tơdrŏn har Paran laih anŭn gơñu ruai glaĭ abih bang tơlơi brơi kơ Môis, Arôn hăng abih bang ană plei Israel, laih anŭn pơrơđah brơi gơñu ƀuh boh troh lŏn čar anŭn.