Popular Bible Verses from Tơlơi Yap 14

Share

Kơnơ̆ng sa tơlơi đôč anŭn jing ƀing ta anăm pơkơdơ̆ng glaĭ hăng Yêhôwa laih anŭn anăm hwĭ bral ƀing ană plei pla lŏn čar anŭn ôh, yua kơ ƀing gơñu či jing hĭ gơnam ƀơ̆ng kơ ƀing ta. Ƀing gơñu ƀu hmâo arăng pơgang, wai lăng dơ̆ng tah, samơ̆ Yêhôwa dŏ hrŏm hăng ƀing ta. Anăm ƀing ta hwĭ ƀing gơñu ôh!”

‘Yêhôwa kaih hil, Laih anŭn bă hăng tơlơi khăp pap, Pap brơi tơlơi soh hăng tơlơi pơkơdơ̆ng, Samơ̆ ƀu yap ƀing hmâo tơlơi soh jing ƀu soh, Laih anŭn pơkơhmal ană tơčo gơñu klâo pă rơnŭk Yua kơ tơlơi soh ơi adon gơñu.’

Tơdah Yêhôwa mơak hăng ƀing ta, Ñu či ba ƀing ta mŭt pơ anŭn laih anŭn pha brơi ƀing ta anih lŏn čar bă hăng ia tơsâo laih anŭn ia hơni.

Samơ̆ yua kơ ding kơna Kâo, Kalep ƀu sa pran jua hăng gơñu ôh, laih anŭn ñu đuaĭ tui Kâo hăng tơlơi tŏng ten, hnŭn yơh Kâo či ba ñu mŭt amăng lŏn čar ñu hmâo kơsem laih; kơnŭng djuai ñu či mă tŭ lŏn čar anŭn ngă kong ngăn.

Laĭ bĕ hăng ƀing gơñu tui anai: ‘Yêhôwa laĭ: Kâo mă tơlơi hơdip Kâo pơklă tui anai, Kâo či ngă brơi ƀing gih tui hăng boh pơhiăp Kâo hmâo hmư̆ laih ƀing gih pơhiăp brŏk

Yêhôwa laĭ hăng Môis tui anai: “Ană plei pla anai mưč mač kơ Kâo laih anŭn ƀu đaŏ ôh kơ Kâo hơdôm sui dơ̆ng, wơ̆t dah Kâo hmâo ngă laih lu tơlơi mơsêh mơyang tơ̆ng krah ƀing gơñu?

Abih bang ană plei Israel hiăp brŏk pơkơdơ̆ng glaĭ Môis hăng Arôn; abih bang ană plei laĭ kơ dua gơñu: “Hiam hloh ƀing gơmơi djai amăng lŏn čar Êjip ƀôdah djai hĭ amăng tơdrŏn har anai!

Yôsuê ană đah rơkơi Nun, laih anŭn Kalep ană đah rơkơi Jêphunê, jing dua čô amăng ƀing nao kơsem lăng lŏn čar, hek sum ao gơñu pô. Dua gơñu pơhiăp hăng abih bang ană Israel tui anai: “Lŏn ƀing gơmơi hmâo nao kơsem lăng jing lŏn čar hiam biă mă.

Samơ̆, Kâo yua tơlơi hơdip hăng tơlơi ang yang bă blai lŏn tơnah Kâo jing Yêhôwa, Kâo pơklă tui anai: abih bang mơnuih hmâo ƀuh tơlơi ang yang hăng tơlơi mơsêh mơyang Kâo hmâo ngă laih pơ čar Êjip laih anŭn amăng tơdrŏn har, samơ̆ hmâo lông lăng Kâo pluh wơ̆t, laih anŭn ƀu gưt pơhiăp Kâo, ƀu hmâo ôh sa čô amăng ƀing gơñu či ƀuh lŏn čar Kâo hmâo hơtŏm ƀuăn laih či pha brơi kơ ơi adon ƀing gơñu. Ƀu hmâo ôh hlơi pô mưč mač kơ Kâo dưi ƀuh lŏn čar anŭn.