Popular Bible Verses from Zafaniyo 3

Share

Egangiz Xudo sizning orangizdadir, Sizga zafar keltiruvchi jangchi Oʻshadir. U sizni deb xursand boʻlib sevinadi. Oʻz sevgisi ila qoʻrquvlaringizdan xalos qiladi. Ha, sizni deb shod boʻlib kuylaydi.”

Ha, oʻsha vaqtda sizlarni yigʻib olaman, Uylaringizga eltib qoʻyaman. Sizlarni yana farovonlikka erishtiraman, Buni oʻz koʻzingiz bilan koʻrasiz, Xalqlarning hurmatu maqtovlariga sazovor boʻlasiz.” Egamizning kalomi shudir.

Egamiz sizlarni jazolab boʻldi, Dushmanlaringizni U quvib yubordi. Isroilning Shohi — Egamiz orangizdadir. Siz endi kulfatdan qoʻrqmang.

Sizlarga zulm oʻtkazgan xalqlar bilan Oʻshanda Oʻzim hisob–kitob qilaman. Men choʻloqlarni qutqaraman, Haydab yuborilganlarni yigʻib olaman. Ular sharmanda boʻlgan har bir yurtda Obroʻ va shuhrat topadilar.