Popular Bible Verses from Afisam 5

Share

Ti̱kau yinang Kwama we nangi̱n chi̱ntu, di̱ne n ti̱n bwesi̱m ni̱ri̱m ki̱m. Ti̱mi̱la yichiyu we fiswe chi̱n, yinangu m Masiya a mi̱la chi̱n we niku ti̱kuri kitu di̱ne chi̱ne, ti̱tu a li̱ma ni̱r Kwamanu.

Di̱ne yiko, ti̱ma daan ki̱ni yayu ti̱yade, ti̱ya yinang ni̱bu kasani̱m. Ti̱funbwi ti̱ma nangang ki̱yilang ki̱ni ba ki̱swi ta ya, di̱ne n chi̱ni a diti yibwilai.

Ti̱kedu yimu a ladu dukan chi̱nu we. Di̱ne ni ki̱ no yime ki̱chi̱u ti̱kuriki. N ti ki̱ki yikongu, ti̱ni Fi̱ki̱m Kwamamu fi a to chi̱n. Ti̱nang kaba teniyu ti̱kunka yichiyi ki̱n, ti̱kaba teniyu ti̱dela Tewuduwe ki̱ni ni̱ri diin, ka nang wuwule yonge ti̱wana Kwama Tewuduwe Masiya, we kasi no ti̱ti̱le chi ti̱tu a ma chimi̱nitu.

Di̱ne yiko, ti kadu di̱bu ni̱bi̱m we, aya ti̱swaan chi n Tewuduwe ki̱baddu ta maditu.

Kwartabu ti̱mi̱la nati̱bu chimu yinangu m Masiya a mi̱la ni̱bu bunti̱ki̱mangu, a ni yikiyu di̱ne chi.

Di̱ne n ti̱n a no a ki̱liye, aya ki̱ka̱ngu n ti̱n bwesi̱m Tewuduwe. Ti̱ya yayu bwesi̱m bi̱bu a ya yiiki̱me.

N kawure a bunti̱ ya̱m fatemu ke ti̱ni Masiya dwiyentu.

Nati̱bu, ti̱bunti̱ kwartabu chimu yinangu ti̱bunti̱ Tewuduwe.

Aya mi̱n fwati̱nu ki̱da, ka nang wuwule chi̱ne, a mi̱la naye ko yinang dur ki̱n, naye ti̱n a bunti̱ kwarta ko yinangu a dakanang.

Yinangu ya̱m Kwamamu a fwangu, nii ka du teki̱n n ti ne ki̱n ka kwarkadu n ti naye ko, n chi ki̱ni burako, a kau yinang nii wiin.

Ti̱chir mi̱n we datiyu a ki̱liye yiyu a ne makaku weyu. N ti ki̱ku ta madi yikongu, ti̱yo ni̱bu a swaan ko ti̱chitu wu a lebu.