Popular Bible Verses from 1 Yowana 4

Share

Ka ni mi̱la Kwama, a ne tayi we, di̱ne mi̱laki̱ki di̱mbi̱ri̱mangu ki̱kaka tayu. Tayu ki̱yo riye. Ti̱tu a yung ni wu ki̱ni taye, mi̱laki̱ kangu a newe di̱mbi̱ri̱m.

Bwesi̱mi̱m, n ti̱n m bi̱u Kwama, ti̱chau ki̱la we fa̱kubu ti̱kwanimu, di̱ne Fi̱ki̱m Kwamamu we ni̱tu chi̱ntu, a la fi̱ki̱m bi̱bu a ni̱tu ni̱bu a ti̱ti̱nimu.

Ni ma mi̱laki̱ku di̱ne n Kwama a mwe a mi̱la chi̱ni.

N ti̱n bi̱bu mi̱n mi̱ladi̱mu, ni mi̱la yichireyu di̱ne mi̱laki̱ku ki̱chiredu a di̱Kwama. Nii wu ki̱ma nangangu ki̱ni mi̱lake n ki̱n Bwe Kwama, a yim Kwama.

Nii wu a newe ki̱ni mi̱lake, a yimbu Kwama ko bayim, di̱ne n Kwama mi̱laku.

Mi̱laki̱ki ying, ka nang chikiye, n chi̱ni n ke bi̱bu niyang mi̱la Kwamamu, n ki̱n nang wu a mi̱la niye, yo a tume bweko a kau niku ki̱tumang di̱ne ke a da̱u ki̱leti chireye.

N ti̱n bi̱bu mi̱n mi̱ladi̱mu, yo n Kwama a tu a mi̱la niye, a yung a dakan n chi̱ni ni mi̱lati̱ yichireyu.

N Kwama a yung ni mi̱laki̱ki ying, a tume bweko n ki̱kune we ti̱ti̱nitu ke ni ya ti̱kuritu a di̱ki̱ne.

Aya ka wuka nii a yi ko, a ki̱n mi̱la Kwama, yinu ki̱ko ke ko, nii wu ki̱mwe ti̱kwani, di̱ne nii wu a mi̱labu ke ko wu ki̱kude, a ne medu kami̱la Kwama wu n ki̱n a kuunbuwe.

Ka nang wuwule niye wu a wudu yiiko a ke ko Yesu Bwe Kwama n we ti Kwama, yinu Kwama wetuwe n ti Ki̱n.

M Masiya a ni chi̱ni yilangu ko, ka nang wuwule niye wu ki̱mi̱la Kwama, a mwintuwe ka mi̱la ke ko ti̱nti̱n.

N ti̱n bi̱bu mi̱n mi̱ladi̱mu, ti̱kedu ka nang wuwule niye we wu ka yidu ko n ki̱n ki̱ni Fi̱ki̱m Kwamame. Aya ti̱swa̱ka̱ fi̱ki̱mtiyi kwang ti̱da̱ng ka nang fi̱ki̱m bi̱bu a be a di̱Kwamame. Di̱ne fa̱kubu ti̱kwanimu nabwen a ti̱ran we ti̱ti̱nitu. Ta swaan ni ki̱ni fi̱ki̱m Kwamame ying, ka nang wuwule niye wu ki̱ma di̱mwaru ko Yesu Masiya a be ki̱ni di̱ten bwi niin, nang nii ki̱ni Fi̱ki̱mu a chire a di̱Kwamame

aya ka nang wuwule niye wu a ko Yesu ko a bebu ki̱ni di̱ten bwine, a yung fi̱ki̱m bi̱bu a di̱ki̱nemu a bebu a di̱Kwama. Fi̱ki̱m bi̱bu m bi̱u fakwarbu Masiyamu wu ta nwe ko ka bede. Ko no nang ki̱ka̱ngu, a tu a lewe ti̱ti̱nitu.