Popular Bible Verses from Injil 27: Zaira Kalam 8

Share

Bade ou meṛa-baichchae zebla shat nombor sil-sappoṛ bangila, ou shomoy onuman ada gonṭa shomoy behesto kunu aoaz huna gelo na.

Foyla firistae shinga bazanir loge loge lou maḳail hil ar aguin zomino falail oilo. Teu zominor tin baṭor eḳ baṭ, gas-gasalir tin baṭor eḳ baṭ, ar hoḳol gash-fata zoli gelo.

Bade ami sailam, saia deki, eḳṭa sil faki bout usat asmanor mazedi uṛer, ar he zure zure mater, “Baki ze tinzon firistae shinga fukiba, tarar shinga fukile duniar bashinda oḳlor ufre gozob, gozob, gozob lambo.”

Erbade dusra firistae tan shinga fukila. Ou shomoy zalail faṛor laḳan muṭa eḳ siz doriat falail oilo. Itae doriar tin baṭor eḳ baṭ fani lou oigelo.

Bade tin nombor firistae tan shinga fukila. Teu asmanor soḳsoḳa biraṭ eḳ tera boṛo mushalor laḳan zoli zoli tole foṛlo, iṭa aia hoḳol gang, ḳal-bilor tin baṭor eḳ baṭor ufre foṛlo. Ou terar nam asil Nagdana. Iṭa foṛia tin baṭor eḳ baṭ fani titta-zohor oigelo, i fanir lagi bout zon morla.

Ar sair nombor firistae zebla shinga fukila, ou shomoy sand, shuruz ar tera, ita hokkoltar tin baṭor eḳ ongsho zoḳom oigelo, teu hoḳoltar tin baṭor eḳ baṭ andair oigelo, erlagi dinor tin baṭor eḳ baṭo ar raitor tin baṭor eḳ baṭo kunuzat rushni roilo na.