Popular Bible Verses from Injil 27: Zaira Kalam 9

Share

Oile ou gozobor bade-o zeta manush zita roila, tara nizor ator banail murtipuja taki touba ḳorlo na. Tara nanan nomunar butor puja, ar zetae deḳoin na, hunoin na ba aṭa-sola ḳorta faroin na ota murtir puja ḳorat roila. Shuna, rufa, fitol, fattor ar laḳṛidi banail murtipujat roila. Erloge kun-ḳarafi, zadu-ṭuna, zina ar suri taki-o touba ḳorlo na.

Hou duma taki bout fongofal bar oia duniat aila. Itare duniar ḳakṛa-bisar laḳan ḳemota deoa oilo. Tarare hukum deoa oilo, tara zanu duniar kunu gash-fata, gas-fala ba hag-torḳarir ḳeti na ḳore. Ḳali zeta manshor ḳofalo Allar sil-sappoṛ mara nai, otar ḳeti koroin.

Bade fas nombor firistae shinga fukila, teu ami deḳlam, asmanor eḳṭa tera behest taki duniat foṛlo. Ou terare habia duzoḳor sabi deoa oilo.

Ita manshore zane marar kunu ḳemota tarare deoa oilo na, oile fas mash forzonto zala-zontrona dibar ḳemota deoa oilo. Ḳakṛa-bisae kunu manshore ḳamoṛ dile zela bish-bedona oy, ou fongofale ḳamṛaile-o ola oibo.

Habia duzoḳor firista asla ou fongofalor raza. Ibrani bashae i firistar nam oilo Abaddon, ar Iunani ba Grik bashae er nam oilo Apollion, mani gozobi firista.