Popular Bible Verses from Injil 27: Zaira Kalam 7

Share

Bade ami deḳlam, forteḳ desh, hoḳol ḳandan, hoḳol zati ar hoḳol zator bulie matra bout manush dola oisoin, erare gonia fuṛanir shaiddo ḳeuror nai. Era dola lebas findia ḳezur fata ato loia, hou toḳt ar meṛa-baichchar samne ubai roisoin.

Tara zure zure ḳoira, “Amrar Alla zein toḳto boat asoin, ar meṛa-baichchar ato-u, gunar mafi ar nazat ase.”

Toḳtor mazor meṛa-baichchae-u erar raḳali korba. Tain erare abe-hayator zindegi-fanir zornar gese loia zaiba, ar Allae erar souḳor fani fusia diba.”

Erlagi era Allar toḳtor samne ase; tara din-rait behesti ebadot ḳanar maze ebadot-bondegi korra. Ar toḳto zein boat asoin, tain nize erar ufre tambu ṭanai diba. Erar ar kunudin buk lagto nae, fanir fiase dorto nae; shuruzor tez erar gotro lagto nae, kunu gorom-o lagto nae.

“Amra zotoboil amrar Allar gulam oḳlor ḳofalo sil na marsi, otoboil tumra duniar, doriar ba gas-falar ḳeti korio na.” Bade ami hou sil-sappoṛ mara manshor foriman hunlam. Boni Israilor hoḳol ḳandan taki eḳ laḳ sousallish azar zonre sil mara oise.