Popular Bible Verses from Injil 27: Zaira Kalam 14

Share

Bade ami hunlam, behest taki eḳzone ḳoira, “Ou ayat leḳo, oḳon taki malikor torikat roia zoto zonor zan zaibo, era-u nek-kofali.” Pak Ruhe ou shakki dira, “Nichchoy era-u nek-kofali. Tarar ḳam-ḳaz taki tara rehai faiba, ḳaron tarar ḳamor fol tarar loge loge roibo.”

Erlagi zera Allar hukum mane ar Hozrot Isar torikar imane mozbut roy, Allar ou pak bonda oḳole i halotor maze sobor taḳa zorur.

Tain zure zure elan ḳorla, “Alla Pakre ḍorao, tan ijjot-tarif ḳoro, tan bisaror shomoy aichche. Zein asman-zomin, doria ar ḳal-bil, gang oḳol foyda ḳorsoin, tan ebadot ḳoro.”

Bade tin nombor firista erar ḳore ḳore aia zur golae ḳoila, “Kunu manshe zudi ou zanuar ar ogur murtir puja ḳore, ogur sil tar ato ba ḳofalo lagae, te he-o Allai gozobi nisha-fani kaite oibo. Ou nishar loge kunuzat fani na mishaia Allai gozobi baṭit bora oise. Fobitro firista oḳol ar Allai meṛa-baichchar samne, aguin ar gondoḳ dia i manshore shaza deoa oibo. Ze agunit itare zalail oibo, i agunir duma kunudin bond oito nae. Ze manshe ou zanuar ar tar murtir puja ḳorbo, ogur namor hou sil lagaibo, he din-rait kunu shomoy-u azab taki rehai faito nae.”

Bade ami saia deki, hou meṛa-baichcha Zeruzalemor fobitro Sion faṛor ufre ubai roisoin. Tan loge asoin eḳ laḳ sousallish azar manush. Tarar ḳofalor ufre ou meṛa-baichcha ar tan gaibi bafor nam leḳa ase.

Bade ami aroḳzon firista deḳlam, ein asmanor mazedi uṛira. Duniat boshot ḳorra forteḳ desh, fortek kandan, forteḳ bashae matra ar forteḳ zatir manshor lagi siroḳalin kushir ḳobor tan gese ase.

Bade tan ḳore ḳore dusra firista aia ḳoila, “Binash oigelo, binash oigelo, hou namḳora Babil ṭaun binash oigelo. Ze ṭaune tair zinar ḳamor ḳoṛa nisha-fani hoḳol zatire ḳaoaise, tai binash oigelo.”