Popular Bible Verses from Injil 27: Zaira Kalam 13

Share

Ita hoḳolta buzte bout aḳolor dorḳar. Zar aḳol ase he ou zanuaror namor horofor nombor gonouk, ita to kunu manshor namor nombor. Er foriman oilo, 666; soy-sho soyshoṭṭi.

Ita dekia duniabi hoḳol manshe tare soizda ḳorbo. Zogot foyda ḳorar age ze meṛa-baichchare zobo ḳorar ḳota shaibosto ḳora oise, hou meṛa-baichchar zindegi katat zerar nam nai, era forteḳe tare soizda ḳorbo.

He huru-boṛo, doni-gorib, munib ba gulam hoḳolre baiddo ḳorlo, zarzir ḍain ato ba ḳofalor ufre eḳṭa sil marar lagi. Erlagi ou sil saṛa ḳeu kunu siz ḳorid-bikir ufae roilo na. I sil asil hou zanuaror nam ba namor marka nombor.

Ze zon bondi oar ḳota, he to bondi oibo-u. Toluaror tole zar kun oar ḳota, he ola kun oibo. Erlagi pak bonda oḳole mozbut iman ar sobor ḳora zorur.

Bade ami deḳlam, doria taki eḳ zanuar uṭer, tar doshgu hing, shatgu ḳolla, forteḳ hingor matat eḳṭa ḳori taz, ar fortek kollar ufre nanan kufuri nam leḳa.

Tare ḳemota deoa oilo, he Allar pak bonda oḳlor birudde zuddo ḳoria zitito farbo. Ar fortek kandan, forteḳ desh, forteḳ zati, forteḳ nomunar bulie matra manshor ufre-o tare ḳemota deoa oilo.

Hou foyla zanuaror lagi zoto laḳan keramoti deḳanir ḳemota tare deoa oisil, ota deḳaia he manshore be-foti banailo. Foyla ze zanuar toluaror sed ḳaia-o basi gesil, tar eḳṭa murti bananir lagi dusra zanuare manshore foramish dilo. Ar murtir bitre zan haranir ḳemota tare deoa oilo, zate i murtie matito fare, ar zera i murtire soizda ḳorto nae, tarare zane marar ḳemota-o tare deoa oilo.

I zanuargu deḳte sitabagor laḳan, tar fao oilo ballukor faor laḳan, ar muk oilo shinghor mukor laḳan. Hou danobe tar shokti, tar godi ar moha ḳemota ou zanuarre dilailo.

I zanuarre kufuri buli ar beṭagiri mator muk deoa oilo. Beyallish mash dori tar ḳam salanir ḳemota failo.

I zanuaror eḳṭa ḳollar maze omon eḳ zoḳom asil, ou zoḳome he morar laḳ oigesil, oile zoḳomṭa bala oigelo. Ita dekia duniar hoḳol manush taijjub bonia tar ḳore ḳore gelo.

Bade ami deḳlam, zomin taki aroḳṭa zanuar bar oia ailo. Meṛar hingor laḳan tar dui hing ase, oile he matito hou danobor laḳan. Ou meṛar hing-ala zanuare hou foyla zanuaror hoḳol ḳemota bebohar ḳorto. Duniar hoḳol manshore he zur ḳoria hou zoḳom bala oa foyla zanuarre soizda ḳoraito.