Popular Bible Verses from আছমানি কিতাব: সুলাইমানি ছিল্লেখ 11

Share

খুলা আতর দানে আয়-উন্নতি আনে, পরার আশা মিটাইলে নিজর আশা ফলে।

খুলা আতর দানে ধন আরো বাড়ে, আড়-কিপটা কঞ্জুস অভাবো পড়ে।

গরিমায় বদনাম বাড়ায়, নম্রতায় গিয়ান মিলায়।

আ-রাখালি জাতির পতন অয়, বুদ্ধি দেওরা বাড়িলে অয় জয়।

পরেজগারির ফল জিন্দেগি গাছর লাখান, গিয়ানিয়ে জয় করিলায় মানষর মন-পরান।

গিবত গাওরায় গোপন কথা পাস করে, হক-হালাল জনে রাখে ইতা অন্তরে।

দয়ালু মানষে নিজর ভালাই করে, নিষ্ঠুর মানষে নিজর খেতি করে।

ধনর উপরে ভরসায় জান যায়গি হুকাইয়া, পরেজগার রয় খেছমা পাতার মত তরতাজা।

গজবর আত থাকি বাচায় না ধনে, পরেজগারিয়ে বাচায় মরন থনে।

হক জনরে চালায় হক-হালালিয়ে, বেইমানর অয় বিনাশ বেইমানিয়ে।

শুয়রর নাকো সোনার ফুল যেলা, বিবেক ছাড়া সুন্দরি বেটিও অলা।

পাল্লাত ঠগিলে মাবুদে ঘিন্নাইন, উচিত মাপ মাপিলে খুশি তাইন।