Popular Bible Verses from আছমানি কিতাব: সুলাইমানি ছিল্লেখ 12

Share

দুশ্চিন্তায় মানষর মন ভার অইযায়, ভালা কথায় দিলো সাওস বাড়ায়।

ইলিম ভালা পাইলে ভালা পায় শাসন, ধামকিরে তো ঘিন্না করে বেআখল জন।

বেপরোয়া মাত তলোয়ারর আঘাত, শিফা মিলে তো গিয়ানির কথাত।

বেআখলর চউখো নিজর পথউ ভালা, গিয়ানিয়ে কানো লয় পরামিশর কথা।

বেআখলে মাইর খাইয়া হকলরে হুনায়, আখলদারে মাইর খাইয়া নিরাই ঘরো যায়।

গুনআলা বউ তাই জামাইর মাথার তাজ, আড্ডিরে পচাইলায় যার বউ বে-লাজ।

মিছা মাতরার ঠোট মাবুদে ঘিন্নাইন, হক-হালাল জনর উপরে খুশি তাইন।

পরেজগারে বন্ধুরে সু-পথ দেখায়, নাফরমান নিজরে বে-পথি বানায়।

জিফরার মিছা মাত রয় থুড়া সময়, ঠোটর হক মাত হর-হামেশাউ রয়।