Popular Bible Verses from Aisea 40

Share

Poni ni ṉiniraṉira Sa sarini pu mabo meke va ṉiṉira i Sa sarini pu malohoro.

Sari tie vaqura ba mabo mo meke malohoro, meke sari palabatu vaqura si tubaraeni meke hoqa; ba arini pu raṉe la koe Zihova si kote tava vaqura pule sa dia ṉiniraṉira. Kote tedoro si arini guana atata; kote haqala si arini ba lopu mabo, kote ene si arini ba lopu malohoro.

Vea, lopu gilania tu gamu? Vea, lopu hite avoso nia tu gamu? Se Zihova, asa sa Tamasa koa hola, sapu kuri ia sa doduruna sa popoa pepeso. Lopu kote mabo si Asa babe malohoro, meke sa Nana ginilagilana si loke tie kote boka ṉana kamoa.

Na mamalaiṉina keke tie si korapa titioko: “Mi va namanama nia pa qega sa siraṉa te Zihova; mi va toṉotia pa korapa soloso qega sa siraṉa tanisa nada Tamasa.

Uve, harahara sari duduli meke hoqa sari havoro, ba sa zinama te Tamasa si turu hola ninae rane.”

Keana vura mae sa kalalasana e Zihova, meke doduru butubutu kaqu dogoria si Asa. Ura Arau se Zihova si ele zama!”

Doduru lolomo si kote tava siṉi sage, doduru toqere na toa si kote tava pepeka; meke sari na lolora si kote tava pezara, sapu koluradi si kaqu tava memehe.

Kopu ni Sa sari nana sipi guana sepati: varigara ni Sa sari na lami pa limana meke paleki Sa tata la pa bulona; turaṉa hitehite ni Sa saripu ari tudia.

Eṉa sageni mata mia, mamu doṉo la pa maṉauru: Esei va podaki sari doduru pinopino vasina? Asa sapu turaṉa tatasa vura ni sari na pinopino, meke hopeke poni ni pozapoza. Koa gua koasa Nana ṉiniraṉira lavata, ke doduru arini si koa. Lopu keke si muliuṉu.

Habotu si Asa pa Nana habohabotuana baṉara pa kali sage koasa bobolokuhaena sa popoa pepeso, meke sari tinoni pa pepeso si doṉo guana kupokupo mo. Repahia Sa sa maṉauru guana ṉava poko, meke ivara vura nia Sa guana ipi pude koa ia.

“Zama va manoto la i sari pa Zerusalema, mamu zama vura la nia koarini sapu sari totoso tasunadi tadirini si ele hola sapu sari dia sinea si ele ta leosoni Sa, sapu sari vina kilasa pu vagi sari pa Zerusalema pa limana e Zihova si karua totoso hola ni sari dia sinea.”

Keke mamalaiṉi si zama, “Velavela vura.” Ke nanasa si rau, “Sa si kote velavela vura nia rau?” gua si rau. “Sari doduru tie si guana duduli; meke doduru dia tinolava si guana havoro pa pezarana. Harahara sari duduli meke hoqa sari havoro, sina givusu kamo la koa rini sa siniṉo te Zihova. Hinokara sari tie si gua mo na duduli.

Doṉo la, se Zihova Baṉara si mae sana pa korapa Nana ṉiniraṉira, meke koasa lima ṉiṉirana Tanisa si kote baṉara ni Sa. Doṉo la, sari Nana pinia si turaṉi Sa, meke luli koa Sa sari Nana tinoni ta harupudi.

“Manoto, manoto gamu na Qua tinoni,” gua sa mia Tamasa.

Vea, esei ele pada ia sa kolo lamana pa ola limana, babe ṉava ia sa maṉauru pa limana? Vea, esei ele tuqea sa kavuruna sa popoa pepeso pa keke huneke, babe pada i sari na toqere pa sikele, meke sari na toa pa padapadana mamata? Vea, esei ele tumae nia sa binalabala te Zihova, babe totoli nia si Asa guana Nana tie va tumatumae? Koe sei si la nananasa se Zihova pude va bakabakala ponia si Asa, meke esei totozi nia si Asa koasa siraṉa toṉotona? Esei sia sapu va tumatumae ia si Asa babe va dogoro nia si Asa koasa siraṉa gilagilana?