Popular Bible Verses from Aisea 41

Share

Ke mu lopu matagutu, na korapa koa turaṉigo Rau; mu lopu talotaṉa, ura Arau sa mua Tamasa. Kote va ṉiṉira igo Arau meke toka nigo; pa Lima mataoqu kote va ṉiṉira igo Rau.

Ura Arau e Zihova, sa mua Tamasa, si tuqe vagi igo pa lima mataomu meke zama koa goi, mu lopu matagutu; Arau kote toka nigo.

“Doduru pu bugoro nigo si hinokara kote kurekure; arini pu kana igo, si kote guana loketoṉa meke mate.

Arau vagi gamu koari hukihukirina sa popoa pepeso, koari iiona sapu seu latu si tioko vagi gamu Arau. Zama si Rau, “Agoi si na Qua nabulu,” Arau ele vizata igo meke lopu ele kilu igo Arau.

Be hata i goi sari mua kana, si kote lopu dogori goi. Arini pu atu rapata igo si kote ta evaṉae loketoṉa dia mo.

Agoi Zekopi, mu lopu matagutu, agoi na nokinoki tunamu, agoi Izireli hitekemu, ura Arau telequ kote harupu igo,” zama vura gua se Zihova, sa mua Hinarupu, si Asa pu Hopena pa Izireli.

Ba agoi, Izireli, sa Qua nabulu, Zekopi, sapu Arau vizata igo, gamu na tutina Ebarahami, sa Qua baere

Kote va tukele poni ovuku Rau koari na batu toqere vasina loke hudana, meke sari na bukaha koari na lolomo. Kote iliria Rau sa qega pude koa i na kopi kolo, meke sari pepeso popadi si kote vura i na bukaha.

Saripu malaṉa meke loke gedi si hata kolo, ba loketoṉa si koa; sari meadi si popa, na memeha. Ba Arau se Zihova kote olaṉi si arini; Arau, sa Tamasa pa Izireli, lopu kote veko pani.

Esei taveti si gua arini, meke va gorevura i? Esei tioko vagi sari hopeke sinage vaquradi pa pinodalaena? Arau, e Zihova, si koa Qua pa pinodalaena, meke kote koa Qua pa vinabetona. Arau si Asa.”

Kote letei Rau pa qega sari huda sida, akesia, olive, meke metolo. Kote lete huda paeni si Rau koari na pepeso kaleanadi, meke na huda zunipa na saeparasi, pude dogoria ri na tie meke tumae nia, pude balabala ia meke gilania, sapu sa limana e Zihova na tavetedi si hire, sapu Asa pu Hopena pa Izireli si va podaki.”