Popular Bible Verses from Aisea 26

Share

Kote kopu nia Goi pa binule ṉoṉona si asa sapu nabu nana binalabala koa Goi, sina raṉe Igo sa si Agoi Zihova.

Mi raṉea se Zihova ninae rane, ura e Zihova sa Patu toa holana.

Sa buloqu si ehaka Nigo pana boṉi; pana munumunu si aqa Nigo sa maqomaqoqu si Agoi. Totoso mae pitua Goi sa popoa pepeso, si tiqe tumae nia ri tie pa kasia popoa sa tinoṉoto.

Zihova, Agoi tavete poni gami sa binule; doduru pu vata evaṉi gami si Agoi tavete poni gami.

Uve, Zihova, gami si ene pa siraṉa tanisa Mua tinarae, meke koa aqa koa Goi; sa Pozamu ta avosaena si sa inokoro pa bulo mami.

Sa siraṉa tadi na tie toṉoto si memehe; Agoi pu toṉotomu, Agoi tavetia sa inene tanisa tie toṉoto pude bule nodolo.

Va pepekae i Sa sarini pu va ululae, va eko gore ia Sa sa vasileana nomana sapu va sage pule nia; va gore la nia Sa koasa pepeso meke va kamo la nia pa kavuru.

Mi tukeli sari sasadana sa goba pude nuquru sa butubutu toṉotona, sa butubutu sapu soto va nabu pa rinaṉeraṉe.