Popular Bible Verses from Aisea 25

Share

Zihova, Agoi sa qua Tamasa; kote va lavata Igo rau meke vahesia sa Pozamu, ura tavete vura ni Goi sari doduru tinavete variva magasadi, sari ginugua sapu pukerane tu ta balabala pude va gorevura i Goi.

meke sa minate si kote onolo pania Sa pude kaqu beto hokara. E Zihova Tadi na Qeto Minate si kote puha pani sari kolomata koari doduru isumata; kote va rizu pani Sa sari na kinurekure tadi Nana tinoni koasa doduruna sa popoa pepeso, gua si zama vura nia e Zihova.

Koasa rane asa si kote zama si arini, “Hinokara, Asa tu sa nada Tamasa; raṉea gita si Asa, meke harupu gita Sa. E Zihova tu si raṉea gita; mada qetu nia sa Nana tinaharupu.”

Koasa toqere asa si kote va rizu pania Sa sa opoadumu tanisa minate sapu gore koari doduru tie, sa poko sapu nobidi sari doduru butubutu

Koasa toqere Zaione si kote va nama ia e Zihova Tadi na Qeto Minate sa inevaṉa sapu tale ginani arilaedi mo si koa pude tadi doduru tiena sa kasia popoa, na inevaṉa vaeni taguena, na inevaṉa masa kurukuru ta vizatadi.