Popular Bible Verses from ꞌThianaattõ 37

Share

Ma baalin umwa, õhõnõõthĩ Yothebo nẽ ikia uduhaak ꞌgõtõõnõgĩ honoothi cĩnnĩ ho

Baa ammĩnan Ĩꞌthĩraẽlĩ ngeerĩnĩ Yothebo gẽrrẽẽt hĩllõõan lõhõlĩ cĩgĩnnĩg vẽlẽk, hĩnĩngĩtĩ baa arrittiaa Yothebo baa atahaany nẽẽnĩ. Baa aaꞌnyĩk nẽẽ Yothebo cẽrẽm ꞌcĩ ẽllẽẽmĩth gẽrrẽẽt.

Ma baa õrõõta ꞌgotoonoggia cieeg ngaatĩ ammĩnanĩ maaꞌnyia Yothebo ho, iita ongoongoyyieek nẽẽg Yothebo gẽrrẽẽt nẽ iittiõõ hõllõngaa õthõõthõõ hĩ ĩnõõnnõ jurrung.

Ma uruta, ikia õhõnõõthĩ Yothebo tarĩ. Ohonooꞌthi aattĩ aĩ, “Hadtuuha au akanneeka kõrra hĩ nyĩlõk hĩ mũnyũny õmmõtõ hĩ hõdẽĩ huruꞌnyia.” Ma nĩngaata, ũũk uduhaak ꞌgõtõõnõgĩ tarĩ ĩĩnnĩk, “Hõlõ lõggõõ cieeg ĩthĩhĩt nõõ, iyyia aattĩ hohonooꞌthi naa tarĩ, aku kõrra hĩ nyĩlõk hĩ mũnyũny õmmõtõ hĩ hõdẽĩ nẽ akattieeha huruꞌnyia.”

Nĩngĩtĩ aaburrẽẽkĩ ꞌgotoonoggia cieeg ĩnõõnnõ gẽrrẽẽt, ĩko thĩ nẽẽ ara ammuk maaꞌnyia thõõth icci ꞌthĩnĩtatõõ.

ĩĩnnĩk, “Ĩthĩhĩt nõõ honoothinit caannĩ. Hohonooꞌthi naa aabaal haluc naag vẽlẽk haal manatõõ. Ma hĩdĩĩkoothong, ikia ĩbĩl lucciaahiniti caannĩ ĩĩ maka nẽ iita akattieek lucciaaha cugguung vẽlẽk caannĩ ho huruꞌnyia.” Ma athĩhĩ ꞌgotoonoggia thõõth icci ho, iita aaburrieek ĩnõõnnõ gẽrrẽẽt.

Ma hĩdĩĩkoothong, othoothito ĩĩtõ, “Hiita huruhit nẽ hudhukteek ꞌwooratõõ, nẽ hõõt huduktaak eet õlõ hĩĩttĩk, adak ꞌgii cĩ moru. Nẽ da hatĩ hĩcĩnĩt ꞌgii ꞌcĩ attihaakeet honoothiniti cĩnnĩ ho.”

Ma baa au obokii tuuyyioha cĩg eet cĩg Midianĩ ho, õõt utugurria nẽẽg Yothebo ꞌwooratõõ nẽ iita utuuyyiõĩ hĩ eet cĩg Ithimaĩlĩ ho maccĩrẽẽn hẽẽn ꞌramma haaga. Ma nĩngaata noho, ootti tuuyyioha niccieeg Yothebo Ijjiba.

“Ikia mĩĩ honooꞌthiahiti.” Nĩngĩtĩ aꞌnyahĩ muhẽẽnĩt cĩ adiim aruhi ĩnõõnnõ.

Ma baa adtuuha ꞌgotoonoggia Yothebo ngaatĩ aliittianĩ lõmẽrra hoti ho, otongomit ĩnõõnnõ ĩĩtõ

Adakeet hatĩ biyyieeta. Hudhukteek ĩnõõnnõ ꞌwooratõõ umwaanĩ battaalaa nĩĩcĩ, nẽẽthĩ, ma hahummu ĩnõõnnõ ũdũt.” Baa õthõõth ꞌRuubenĩ hoti aĩ, hátĩ hẽẽla Yothebo nẽ õbõdĩ õlõ.