Popular Bible Verses from ꞌThianaattõ 13

Share

Hõkõ hatĩ haaꞌnyii naa nganiit hĩ lõhõlĩ cugunnig looc ꞌcĩ acini nii ho vẽlẽk hĩĩ cunuung ũdũt.

Ma baa urutaa ꞌcĩ eꞌngerriõõĩ Abũraamõ hĩ Loot, ikia ĩĩnnĩk Makayyioohiti Abũraamõ, “ꞌBuudi da nõõ cĩnooth looc ngaatĩ abĩllĩ nii hataa, cĩnooth da looc ĩĩcĩ holooc nẽ icinoothu ĩĩcĩ uruto nẽ icinoothu ĩĩcĩ hujjieen nẽ icinoothu ĩĩ gõõng õkõlõõthĩkĩ kõrra.

Haaꞌnyii hatĩ naa nganiit lõhõlĩ ꞌcĩg mẽẽlĩg ꞌcĩg ĩĩkĩ ꞌthẽẽm loota nĩnga. Nẽ ma aaĩ ẽẽtĩ ꞌcĩ occa agiil ꞌthẽẽm, occa hatĩ agiil nẽẽ lõhõlĩ cugunnig buúk.

Ma baa acĩn Abũraamõ ngaatĩ abathĩ authetĩ ho, ikia uduhaak Loot ĩĩnnĩk, “Ẽlẽ, hĩĩgĩnnõõ naag ꞌgõtõn, occa hõllõngaa hẽggẽrnyõõ naag hode tũhayyiooha cĩggaac, hĩnĩngĩtĩ arteenit.

Ma baa õtõõĩ Abũraamõ looc vẽlẽk, ikia uluugi õlõ nẽ ũũk õlõmaneek ngaatĩ õbõhõõ hĩ hẽẽn ꞌcĩg obbitig cĩg eet ꞌcĩ haĩ Mamre, ngaatĩ õbõhõõ hĩ ꞌtaaũn cĩ Heboronĩ. Nĩngĩtĩ ẽhẽnytaanĩ nĩngĩtĩ ĩbbõõrĩkĩ Makayyioohit ꞌgaarrieenit nĩngaata.

Ma nĩngaata, ikia ẽlẽm Lõõtĩ muhẽẽnĩt cĩ Abũraamõ ho, nẽ ĩtĩnga ĩcĩnõõthĩ unak cĩ ꞌJõrdanĩ ĩĩcĩ ꞌThõõarĩ. Baa ammũdeek aꞌnyak unahĩ cĩ ꞌJõrdanĩ maam hĩ arteenit ꞌcĩ cũlakĩc, haau hĩ Ẽẽdẽnĩ mana cĩ Makayyiookto hode hĩ lõõcĩ ꞌcĩ ẽllẽẽmĩth cĩ Ijjibi. Baa aku thõõth ciee õõa ꞌcĩ nga hũtũũthĩ Makayyioohiti ꞌtaaũnniook cĩg ꞌThõõdõmĩ hĩ cĩ ꞌGõmõõra.