Popular Bible Verses from Eevvetho 5

Share

Nẽẽthĩ hoti ho, ĩthahithit Nyekuc hĩ lohollia cĩgĩnnĩg ꞌcĩg ammĩnan nẽẽnĩ nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Nẽẽthĩ, ĩcĩnĩt authet ꞌcĩ aattiyyu jurrung. Ma haattiyyu hĩ ꞌgiiꞌthiaha, aaut hĩ ꞌgeeꞌnyiaha. Ĩdĩmanit thooꞌthiok ꞌcĩg abũnnaa hõdõõkõthĩ, hĩnĩngĩtĩ ĩĩn cieeg korriook ꞌcĩg abathĩ.

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ. Ma alũteennu hõdẽĩ laiitta, ebenit tegellwa cĩg laiittak nẽ idihiꞌthu Makayyioohit ꞌthinneetinii cugguung vẽlẽk. Ĩĩttĩk Nyekuc Baangeet ĩlaallẽ hõdõõkõthĩ, hĩnĩngĩtĩ thooꞌthiok vẽlẽk, ꞌthaarĩĩ cĩg Makayyioohit cĩnaac Yeesu Krĩstõ.

Nẽ ma haggiithennu, agaac tabiinit cĩ Makayyiookto.

Niig maaccwaana, ĩmmĩnanit ngaaĩ cugguung hĩ baa ammĩnan Krĩstõ lothippit cĩ lemmioohu nẽ ẽlẽmana ẽlẽ cĩnnĩ, hĩnĩngĩtĩ ĩhõõggõ.

Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak

Ĩthĩhĩt ꞌgoonogu ꞌcĩg ĩĩn lemmiook tẽẽlꞌthĩtaa cĩ Krĩstõ.

Ĩnõõ ꞌcĩ occa athiknu niig ngaaĩ maaccwa cugguung, haau hĩcĩ occa athiknu Makayyioohit ko.

Nẽẽthĩ ꞌthẽk, adiim ammĩnan maac ngaa cĩnnĩ hĩcĩ ammĩnan nẽẽ ẽlẽ cĩnnĩ, nẽ adiim iꞌngolli ngaa maac cĩnnĩ.

Hĩcĩ aduha ꞌBuuhi cĩ Nyekuci aĩ, “Ũũnnĩk hatĩ ẽẽtĩ maaꞌnyĩ hĩ aattĩnnĩ nẽ õõt ũrũmtĩ hĩ ngaa cĩnnĩ hĩĩtõ ẽlẽ hõdẽẽthõng.”

Ũtũbũrĩt thooꞌthiok cĩg muguurak ꞌcĩg aꞌnyaha thooꞌthiok ꞌcĩg hõllõngaa abũnnaa, etereꞌthieek eet vẽlẽk hagaacõ bathi cĩnĩĩng.