Popular Bible Verses from Eevvetho 6

Share

Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen.

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Itihimit ijjio cĩg joraak ꞌcĩg aaꞌnyuung Nyekuci, hátĩ eteyyiõõĩ eleeti cugguung hatĩ iggoolluung habuui cĩ loriẽẽt ꞌcĩg abathĩ.

Nẽẽthĩ hoti ho, itihimit ceremwa cĩg joraak ꞌcĩg aaꞌnyuung Nyekuci ngagiit, hátĩ eteyyiõõĩ eleeti cugguung. Ma hatĩ ikia kõrra cĩ bathiitto, agayyu hatĩ ngaatĩ eteiinnu eleeti cugguung. Ma hatĩ edeccia jõrẽẽĩ, ammũdeek hatĩ nga okommu.

Aanytĩk lemiinit cunuung haau hĩ hiliba, hátĩ ibilli lĩꞌthaanĩt cĩg ꞌThĩttaanak ꞌcĩg alanyĩt ĩĩn ꞌgwoo. Aanytĩk ꞌtirrian cĩ Nyekuci ꞌcĩ ẽẽlanneet ngagĩĩt, haau hĩ tẽmẽdẽhĩ ꞌcĩ ĩĩn naꞌngaala nẽ aanytĩhu nyeemuut cĩ Nyekuci ꞌcĩ aku hĩ Lori cĩnnĩ, haau hĩ nyetuboota.

Ũkũmattoothĩk! Itihimit thõõth ꞌcĩ ĩĩn dĩdĩ haau hĩ hadẽẽngõ nẽ aanytĩhu bũnnai cĩ Nyekuci heteooyyuung ngagiit hatĩ ooyyu jora. Itihimit ganõn ꞌcĩ aku nyeemuutaa ꞌcĩ abũnnaa hĩ caawa, hátĩ ũkũmattoothĩk jurrung.

Nẽ thõõthaa ꞌcĩ adtuurna, aanytĩk ꞌtirrian cobbi gẽrrẽẽt cĩ Makayyiookto haaꞌnyuung ittiranit.

“Itingolli maajihu hĩ ngaaggu,” tilooinit ꞌcĩ ĩĩn hõdẽĩ ꞌcĩ aduha Nyekuci cieeni: Nẽẽthĩ, má iꞌngoliinnu niig maajihu hĩ ngaaggu, “Accamanoothiku hatĩ nẽ ũrũgtu looccaa nĩĩcĩ ĩꞌthõng.”

Niig lohollia, ĩthĩhĩt maajihu hĩ ngaaggu cugguung, hĩnĩngĩtĩ, thõõth ꞌcĩ aũlan ꞌcĩ occa adĩmannu niig cieeni.