Popular Bible Verses from Аман өһө 3

Share

Айыы Тойоҥҥо ис сүрэххиттэн эрэн – бэйэҥ өйгөр-санааҕар эрэнимэ. Бары суолгар барытыгар Кинини билэргэ дьулус – Кини эйигин барыахтаах суолгар салайан биэриэҕэ.

Муударайбын диэн сананыма; Айыы Тойонтон толун, куһаҕантан дьалты тутун

Айыы ТойонУ ытыктаан, баайгыттан-дуолгуттан, сириҥ бастыҥ үүнүүтүттэн Киниэхэ өлүүлүү сырыт, оччоҕо ампаарыҥ аһынан-үөлүнэн, бурдугунан ыга туолуоҕа, бинэгирээтиҥ саҥа арыгыта үллэ-балла туруоҕа.

Бигэ тапталы, кырдьыгы бэйэҕиттэн тэйитимэ: кылдьыы киэргэл курдук моонньугар кэтэ сырыт, сүрэҕиҥ ньууругар сурунан кэбис

Уолум, Айыы Тойон буойарын баардылаабат буолума, сыыһаҕын-халтыгын көннөрдөҕүнэ, хомойума. Амарах аҕа таптыыр уолун дьарыйарыныы, Айыы Тойон эмиэ таптыыр киһитин дьарыйар.

Уолум! Мин үөрэппит үөрэхпин умнума, кэскиллээх кэс тылбын сүрэххэр сөҥөрөн сырыт. Мин үөрэҕим олоҕуҥ күнүн-дьылын үксэтиэ, дьолу-соргуну, эйэни эйиэхэ эбэн биэриэ.

Ким муудараһы көрдөөн булан ылбыт, уһуну-киэҥи толкуйдуур тобуллаҕас өйдөммүт, ол дьоллоох. Муударас үрүҥ көмүстээҕэр туһалаах, кыһыл көмүстээҕэр сыаналаах, ханнык да бэйэлээх эриэккэс таастааҕар күндү; эн бу күн сиригэр баҕара саныыргыттан киниэхэ тэҥнэһэр кыахтаах туох да суох.

Кыахтаах эрэ буолларгын, кыһалҕалаахха көмөлөһөргүн кэрэйимэ.

Айыы Тойон дириҥ муудараһынан сири олохтообута, өркөн өйүнэн халлааннары оҥорбута.