Popular Bible Verses from Аман өһө 4

Share

Ханнык да күндү кылааттааҕар сүрэххин харыстаа, олоҕуҥ дьүүктэтэ сүрэххиттэн сүүрдэр эбээт.

Үтүө аартыгы тобул, тутуһар суолуҥ барыта бигэ буоллун.

Сымыйаны саҥарартан аккаастан, албын-көлдьүн тылы киэр кыйдаа.

Туохтааҕар да дириҥ өй суолталаах, онон муудараска үөрэн, төһөлөөх да үлүскэн үптээҕэр үтүө өйү күндүргэт.

Оттон үтүө дьон суола-ииһэ сарсыардааҥҥы сарыал кэриэтэ, күн халлаан оройугар тэмтэйэ ойуор диэри улам сырдаан иһэр. Хара дьайдаахтар суоллара им балай хараҥа, ханна тиийэн бүдүрүйүөхтэрин бэйэлэрэ да билбэттэр.

Муудараһы хаалларыма – кини эйигин араҥаччылыы сылдьыаҕа, кинини таптаа, оччоҕо эйигин харыстыаҕа.

Эйиэхэ үөрэтэн этэрбин кытаанахтык өйдөөн кэбис, тугу да умнума, барытын бигэтик тутуһа сырыт: мин тылым эйиэхэ олоххун оҥкуллуо.

Кэдэрги кэмэлдьилээхтэр кэптэрин кэтимэ, хара дьайдаахтар ыллыктарын батыма

Истиҥ, оҕолоруом, аҕаҕыт такайан этэрин, болҕойон истэҥҥит өйгүтүн үксэтиҥ.