Popular Bible Verses from ROMMITE 3

Share

Ajiak mi tengteng in sil a bawlkhialta ua, Pasian thupina atan zohlouh nung un. Krist Jesu a om tatna jiakin, ahehpihna a athawn a siam tansak in a om uhi.

Tuapen Jesu Krist gintat jiak a, agingtate tengteng a ding a Pasian diktatna ahi, lamdanna mawng mawng a om kei hi.

Pasian dawhzohna jiak a nidanglai a khialhnate uh kitheih mawh bawl a aom jiakin adiktatna etsakna dingin Krist Jesu pen a sisan a ginna jiak a khialhna thupha tawina hi dingin Pasian in abawlta hi. Amah midiktat ahihtheihna ding leh, Jesu gingta jousiahte siam tangsaktu a hihtheihna ding a tulaia adiktatna etsakna ding ahi.

Tuajiakin dan silbawlte jiakin kuamah Pasian mitmuh in siam tangin a om kei ding uhi, dan jiakin khial kitheihna hung om ahih jiakin.

Hichia gelh bangin: “Kuamah midiktat mawng mawng aom kei uh, khat mah zong a om kei. kuamah theisiam mawng mawng aom kei kuamah Pasian zong mawng mawng aom kei. Pasian a pan ahilou lam ah apial mangta uh; bang mah phatuamlou ahung suak mangta uh, kuamah silhoih bawl a om kei uh, khat mah zong a om kei uhi.

Tuajiakin, mi`n dan silbawlte jiak hilou in, ginna jiakin siamtangin i ngai uhi.

Suaksak baih lou e! Pasian pen midiktat hi henla, hinanleh mi jousiah pen juauthei hijaw hen. “Na thugen a siamtang a na om a; vaihawmsak a na om chiang a zong na zohtheihna dingin,” chia gelh bang in.