Popular Bible Verses from ROMMITE 2

Share

Tualeh huachibang silbawlte gensia a nang zong huate bawl veve, mihing aw! Pasian vaihawmna pel ding a kigingta na hi hiam? Ahihkeileh Pasian hoihna in kisik dingin nang ahung makaih chih theilou in, ahoihna hauhdan leh dohzawh dan leh thuaktheihnate simmoh nahi hiam.

Tuajiakin mihing aw, midang na thukhensakna tak ah nangmah siamlouh na kitan hi, nang thukhenpan zong huabang silte nabawl veve jiakin ngaihdamtheih na hitakei hi.

Ajiak Pasian in mi deihsak tuam aneikei hi.

Ajiak dan ajami guak hih pen Pasian mitmuh in midik ahi kei a, hinanleh dan juite pen midik ahijaw ding uhi.

Aman michih asilbawl bang jel un athukkik ding hi.

Hinanleh genhak a, thutak juilou a, diktatlouhna juijawte tungah hehna leh thangpaihnate a om ding.

Hinanleh na lungtang khauhjiak leh na kisik nuamlouh jiakin Pasian thangpaihna ni leh vaihawmna diktak hung kilakni chiang a dingin natung ah thangpaihna naki khawlkhawm hi.