Popular Bible Verses from KOLOSSIAMEI 3

Share

Khat khat ruc khou khaengvlou kary o khatni nangniw thowkumhmei ruc khou pian makmei tuang nai e thei, khat khat ta kuaklou kary o. Poubauhmei rui nangniw ta kuakloumei kumcna, nangniw khat khat ta kuaklou nina e.

Nangniw lungning mi mbaanv tuang puat khou hamhna, tingkauh thangc naimei puat khou tei gutlou o.

Maansei khang taanc bam tu e twna ning makna, Poubauhmei khang taanc bam tu kumcna nangniw taanhmei guay lungh gutna taanc o.

Nangniw hei Ravguangc tuang mei nunc e; kamei rui nzianmei kapahloumei nunc e. Hei zaeng rui, zianthaymei, zauzianthaymei, niamhmei, lungh zaenghmei khatni khaengvthaymei rui pheybaan piu kumc piu o.

Khrista tuang lat nangniw lung khou chingkhiuhna nai nina e. Ningting padikna khat khat ta ncham nchei kary o. Kalumlu, hymthuanhlu khatni nthanmeilu suan o. Nangniw lung khou thuanckuna Ravguangc khou suan o. Taanv khou pw ni, latsav khou pw ni, nangniw samei, taanhmei guay tei Poubauhmei Jisu zanc khou sa o khatni taanc o. Kapaan rui Pu Ravguangc ta thuancku o.

Mi guay ruc khou rui, nangniw khat khat ta nzian o. Mi hei rui nangniw ta lungh khat swna bang kariulou puni.

Nangniw Khrista lev ringcthau dat nchamc thena, Khrista Ravguangc tuang baanzat thangc dungc bammei bamv tingkauh thangc naimei puat khou tei nangniw lung lou o.

Khrista tuang chuzaenghmei tei rui nangniw lung ta chaengzay bam kan di tho. Kalam thu nangniw ta pumh akhat khou kaw kariuloumei hei mi kumna chuzaenghna lungh khang e. Kumna thuancku o.

Hei zaeng rui, nangniw khou nai bammei mbaanv tuang kahawmei guay tei titheic o. Mi kiu: lungcmaanv lungcmowmei, mphuam mphamei, nthah boulahmei, simei ta kahawmei, khatni agaamv agahmei (mi hei ravmaengc kalummei e) mi guay hei e.

Kalam thu nangniw theic tang the, nangniw tuang ringcpaan hei Khrista lev Ravguangc khou rylou bam the.

Tiki ntaw thu, nangniw lungh puamhmei, lungnut naimei, khatni meickai ta karaengmei, mi guay hei ganc nina e. Meickai ta sakasicmei lat khatni nroucpui lat nangniw mwang khou rui pat lak nina e.

Nangniw khat khat khou saraamh riu. Kalam thu nangniw meic raan ta tei katuang kheiliak kazauhna luak ganc kan the, kumna meic thanh tei nulou dat the. Mi hei nangniw kata thay nthan khang, Damcloumeipu Ravguangc rui kata luihmei khou tikathanclou dat bammei meic thanh e.

Gaanvthiu, nangniw now ta nzian o; kaniw ta bangh ta kumcna sw riu.

Alaucthiu, ramh lam katana khou nangniw pui pu lat piu o; mi hei Ravguangc rui kahawmei e.

Nowthiu, nangniw gaanv bangc khou bam o; mi hei Poubauhmei mei swna sw nipui zi e.