Popular Bible Verses from 1 PITAR 2

Share

Tiki nangniw thu, nangniw ta zinghmei khou rui katuang charynmei gaanhmei khou kaw patloumeipu Racguangc tuang charynmei taanv guay dinc ndauh khang rui, Ravguangc rui kadahloupui mei nunc e; guangh tuang amuc nunc e; nthanmei zaat re; Ravguangc tuang mei nunc e.

Aniu paap khou rui duak patna ravchaptatmei khou lungh khang kamei kahak rui thing ruc khou kapumc khou aniu paap phungclou the. Katuang zam guay tei rui aniu ta tigaylou the. Nangniw hei ruan maan tat kanmei lauziu nunc kumc bam khwan the; tiki ntaw thu nangniw bumaengc ta gaengclou nimei khatni gaeklou nimeipu khou guang dat the.

Kahunungc nangniw Ravguangc tuang mei nunc hamh bam khwan e; tiki ntaw thu nangniw kamei nunc di the. Kahunungc nangniw Ravguangc zauzian laatow makmei nunc sw bam khwan e; tiki ntaw thu nangniw kazauzian laatow the.

Nangniw ngasatna nunc rui noucdui kahawmei kumcna nthanmei bumaengh tuang taektw ta kahaw o. Kumna mi paan tei rui nangniw kanloumei nganv daic thau khang e.

Nzianmeithiu, mi mbaanv ramc khou gin swna lungc khanv bammei ai rui nangniw khou zaenghuay e! Bumaengh ta adow bammei meic pumc rui kahawmei khou rui karei pat ro. Zentelmei nunc hu khou nangniw khei liak gayna lungc o. Kaniw rui nangniw ta meicsimei nunc de twna sa bam pwsini, kaniw nangniw tuang gaymei taanv guay tei howna katuang latzan nungc kiu Ravguangc ta thuanc kan diu.

Nangniw ni ringhmei tauc swna guangna bumaengh tuang ravkai swthaumei tauc tei tisw o. Mi khou tei nangniw nthanmei amuc nunc swna Ravguangc rui laalou nuhmei, bumaengh tuang khaengpui taanv Jisu Khrista paan rui taanc bam khang e.

Hei zaeng rui karaeng zauczihmei, rouh raengh simei, gaypui khe swmei, howtimei khatni meickai ta sakasicmei kapwmna ganc o.

Meic nunc rui thu gancpatloumei, tiki Ravguangc khang thu kadahloumei khatni kunghmei ringhmei tauc Poubauhmei daeng khou ana guang o.

Nangniw nyngswmei nunc swna lungc o; tiki nyngswmei tei simei taanh khang thu sinsw rio. Ravguangc bangc nunc swna lungc o.

Mpangmei nunc rui thay makna sakasic bammei lat guay tei nangniw tuang taanv rui munthimloumei hei Ravguangc rui kahawmei e.