Popular Bible Verses from 1 PITAR 1

Share

Aniu Poubauhmei Jisu Khrista Racguangc khatni Pu ta aniu thuanc kho! Kalam thu kamei rui aniu ta heidikamv nzianna, Jisu Khrista ta tiringcthaulou datmei paan tei rui, maan dat lakmei rigwn khou aniu ta puanclou the. Kum thena Ravguangc rui tingkauh thangc nangniw khang lou bammei maan dat lakmei, kasic dat lakmei khatni kamv key dat lakmei ringhmei tei nangniw laa puni the.

Nchanvmei kazaat azuh ariwna matak khat khang nangniw ryanra bam pwsini, mi khang hei rui nangniw neihla bam o. Mi nchanvmei hei thu nangniw ramlum tei kalyng bammei tuang e. Maan kan nimei kachaekc ta sini kalingmei pat khang mai ntei e. Hei tei kumcna kachaekc khang suangc kunghmei nangniw ramlum tei kalingmei sw khang kalyng ni tina di the. Mi hei Jisu Khrista ta ndauh patpui nungc kiu thuanckuloumei, hymdaihmei khatni champouhmei nangniw laatow khang e.

Nangniw ta kawloumeipu hei thu nthanmeipu e. Hei zaeng rui nangniw kheiliak guay hei ni nthan nina e. “Nangniw nthan nina e, kalam thu ai hei nthanmei e,” twna hylouna nai e.

Nangniw latpiumei nac nunc sw o; ramhthay makna bammei douc tei kumcna meic pumc rui kahawmei rui nangniw kheiliak kasiamh dat ri tho.

Hei zaeng rui nangniw lungning sianlangv langv o; ntak nrak bam o; Jisu Khrista guangpui nungc kiu nangniw khang tiilou nimei suaihiam khang tei rigwn bam o.

Kalam thu, “Maansei hei thu pucbwan kumh tuang de, kaniw tuang tik gunc guay tei ni mwnpwang na kumh tuang de. Pucbwan guay tei theic e, mwnpwang guay tuai e; tiki Ravguangc lat thu tingsaeng nai bam e.” twna nthanmei latrik rui samei lat kiu nangniw khou dincloumei gaychamv hei the.