Popular Bible Verses from ROMNYI 14

Share

Kepaghenanye Anyiza Kadiyyi tsüna kedsa nu kejjü ghena nye, isala ketsatan, kecca, nu anonkeghe Kemetha Ghamu na khuchi keten tsü. Thowa na hati nu Khrista kekuli saten khe ma Anyiza kaghali pvüya nu anyi kenen la sayaden.

Keujüla ithu na hang lela tsüna Apvüwa ghena hangben, nu shü lela tsüna Apvüwa ghena shüaben. Tsalina ithu na shü le hang lela Apvüwa ji sadha.

Tsalina ithu na keshüthangla kecca sengho nu khokho satezüya kesa kekulithu tsü nmitsüthu yishü.

Isalethu, ithu khokho nkemeshensali la nalo. Isala no khiela pala katsüha lela kuli pi ncünyuwa ccümeshü nyelela kesami wi khulidu thsü yishü.

Kepaghenanye Ntsawajüh na khiben, “Apvüwa na khi, hi hang keben tsüti tsüdila ituwi akhhutsüben, nu tsüdila hi Anyiza le khishiben.” Tsalina ithu tsüdila Anyiza tuwi papa kekuli cüki tsü khiben.

Anonkeghe sa kenondi wi nkekhang nyi tsü ssiya, isala ma kemeshenwa tsü ssinu nkeccücanlila.

Nthu na thowa lenu nyu kepa wi maghawa kesami bhaten nu? Tsüna ma mehaiya le ncenla lela ma Pvüwa ketanla südhe ben. Nu ma mehai yaben, kepaghenanye Apvüwa na ma sa pi mehai thsüya mehai.