Popular Bible Verses from ROMNYI 13

Share

Isala Apvüwa Jisu Khrista wi aghitsanqaithu khuya, nthu kesami yencüki nu asajjü kesa mvuwa tsü teshi yilo.

Anyi kesü men la npvüla, isala khokho ketizenli tenlo; kepaghenanye thowa na nyu tizenten khe ma Ayenwa tsü nieben.

Anyi tsüdila kidhan wi kekhang kesenthu jüh nkinathu yishü. Kepaghenanye Anyiza nkenye tsü thola kedi saya nben, nu kedikesa tsüna Anyiza na khuchi.

Aghaja cen wa tendha, nu aghanan tetsaki bendha. Ithu kejang kekuli sa keten tsü teshi nu kewegü wi ssi kesalile aghitsanqai pvüya nalo.

Keujüla nthu nyu tizenten lethu, nthu na khiela ma tuwi sazzi nben; tsalina ketizen tsüna Ayenwa mabenla nie keten tsü.

Tsalina nthu pi kecü-u wi pi cülo; nthu ghena nu nthu keben ghena la khajana pi cü, nu nyuwakekü pi mathu tsüdila ccücalo.