1
ROMNYU 3:23-24
KENSHÜN LESÜ Naga (S) CL Bible (BSI)
REGSBSI
Temi aphu mu laso, lo Sunggigü zankechwi gü timvu laso. Ai Jisu Khrista ge kenikelo khikeshü Sunggigü le n shwikenjün genyu kenrun nyu kentsen nyu thyülo hü nyo.
Compare
Explore ROMNYU 3:23-24
2
ROMNYU 3:22
Tsügü tsü le Sunggigü kentsen le Jisu Khrista ketenyen genyu tenyen kelonyu aphu ge ryü hünyo. Kechamvule temi ligühigüe kecha thyü loho.
Explore ROMNYU 3:22
3
ROMNYU 3:25-26
Temi ligühigü ai tenyenlo yatselo tsü hyulo titse kethyü genyu Sunggigü le Jisu zi pe kerüshvu nme thyüshü. Tsügü tsü le Sunggigü le a-nyunthon-o nduka mu kehü dan jüshüo a-kentsen tsinshü. Tsühontse ntsoka ai a-le ntsen letse kethyü tsinshü hünyo. A-le ntsen lo Jisu Khrista tenyen kehünyu dan thyü ntsen shü kehü gü tse kethyü meno shalo nrün genyu.
Explore ROMNYU 3:25-26
4
ROMNYU 3:20
Tsügenyu tejvü kezen genyu temi nme-e a-mhundyü nyu kentsen nyu thyülo hümvu; kechamvule tejvü genyu kemu rüla shalo kehü gwünzin.
Explore ROMNYU 3:20
5
ROMNYU 3:10-12
Ketsinlesü le hihontse thu njü nyo: “Temi kentsen mi ndi laso; nme ai ndi laso temi thakerüchün me ndi, Sunggigü kefü mi ndi laso. Anyugun aphu tson gwünzü laso; temi thakegwa kethyü mi ndi so; nme-e ndi laso.
Explore ROMNYU 3:10-12
6
ROMNYU 3:28
Tsügenyu temi le tejvü genyu mvule ketenyen genyu kentsen nyu thyülo hü nyo tsekethyü n gun le sha tsentsü laso.
Explore ROMNYU 3:28
7
ROMNYU 3:4
Tsonlo nrün ndi, temi aphu kenkunyu thyü hü yatse ai Sunggigü we no joketsin gü thyülo mvulo shvu. Tsü rüla hihontse thu njü, “Njo kezo nyu meno nle joketsin zohü nletse mvuloshvu; lo mele njün kera kegun ka nle me nyeki kvulo mvuloshvu.”
Explore ROMNYU 3:4
Home
Bible
Plans
Videos