Popular Bible Verses from EFESANYU 4

Share

Sunggigü le Khrista genyu hagun shwi njün-o hagun kemu jü kela hontse hagun ko khinyu khinyu shwi njün-o nyun kenjü gü sen-o kemu jü pe ketsülo chi.

Hagun npvü hagun rüchün keshen thyülo, ketekho nya, hagun nyunthon lo nnyun kekheni sen-o khinyu khinyu solo.

Kentsü kenchen jo nmeno nmün nyu chwiryü nya, ai hagun jo kenyü nyu no gwalo nrün genyu zokezü ka jo kegwa nti zolo.

Hagun me nyun gwünkekhün kethyü jo, shochün shokhü, nyun kenthün, lo me kesü kethyü aphu khipe ketekho kethyü sin-o khela lo.

Hagun nyun nta-e kezü kemu we thyüla nya. Hagun nyun nta pe tsan yhüko no chela nya. Satan bin pha shü nya.

Tsügü tsüle nduka hagun jvü gü, temi whengü, a-npvü a-bokechala kenyü genyu gwamvu ketsin tsin tse kethyü gü tsü rhola. Lo Kapu gü nyu hagun nyun no keshün thyünilo. Tson-o keyhun keshün gü no hagun thyü pe kentsen kenshün nyu Sunggigü hontse kethyü gü khi benlo chi.

Kapugü nyu kengü nme thyü kelo gü zenzin hülo titse kethyü hagun yhenthyülo.

Lo a-le khinyu no apostel thyülo tse, khinyu no sidyükesha thyülo tse, khinyu no prosar thyülo tse, khinyu no pastor lo khinyu no senkethyü thyülo tse zoshü. Tsüle kenshün nyu ju no gwün ndolo nrün genyu lo KHrista min gü thyü nsolo nrün genyu. Tson bin-o ngun aphu ketenyen nyu lo Sunggigü Nyugü rüla kipon kengü nme thyü peshülo-o Khrista yhun kho thyülo nrün genyu.

Tsüselo tson-o temi do sen-o nthyü nshvu kehü zü kenkhün no nwhün pe likipon hikipon shü nrün senkethyü jo no nkevü kehü ntsenyu hontse loho so. Ai keso sen-o jo ketsin zolo, lo tha aphu nyu min kü gü nkehun pe gü Khrista kipon shülo.