Popular Bible Verses from EFESANYU 5

Share

Tsügenyu hagun le a-nyenyu a-kesonyu hontse Sunggigü hontse titseo hagun yhen thyü lo. Khrista le n gun so-o n gun genyu a-npvü a-phu hope Sunggigü mhundyü nyu tharün kenyü rokeshü hontse nrora thyü laso, tsühontse hagun ko keso no hagun jvü thyü hülo nye.

Tsügenyu hagun le nyu tsethyü hü yole, hagun npvü rüchün ryülo chi, thashakemvu nyu hontse mvule thakeshanyu hontse lo. Nje ntsenyü hile serikemvu genyu a-gwünkho kegwa ka nyhen thyülo.

Lo zu tsüo nzeü nya, zu le nbo nshvula kehü genyu; tsonkethyü gü mvule Kapu gü no hagun kesü thyülo. Ketsin khwen, ketsin lü lo kenshün lü dan thyüo khinyunyu nthonlo, lo hagun nyun ketsin thyüo, lüthyü lo baja khun pe Npugü shwenlo. Tha lihika-e Npugü Jisu Khrista zan nyu Sunggigü shwen zinlo.

Hagun pin bin nya, ai Npugü kendo le nyu yo shalo chi.

Me nyepvünyu ju, hagun ko Khrista le kehun so lo tsügenyu a-phu hokeshü hontse hagun nunyu solo chi.

Hagun le nduka we zün laryü, ntsoka we Npugü genyu benlo kela hontse; keben gü nyenyu hontse yhunlo.

Lo Khrista rühvuo hagun khinyunyu hensin bin nyülo.

Menunyu hagun Npugü nyu kehü hontse hagun npvü hagun nyepvünyu hensin hülo.

Hagun lihigüe hagun nunyu so pe hagun npvü hagun keso hontselo; lo me nunyu ko a-npvü a-nyepvünyu rühvulo.

higenyu temi le a-pvü a-jvünyu khelao a-nunyu zen yhun tin lati, tson-o au kengü nme thyü tin lati.

Kezün gü tha a-sha gwalo hükemvu dan zen kepvüshen nya,tsonkethyü gü mvule tsüdan khishwi shü.