Popular Bible Verses from KILAKNA 13

Share

‍Hiai ah pilna a-om hi. Kuapeuh theihsiamna nei in, gamsa nambat sutkhia hen; huai lah mihing nambat ahi ngal a; huan ama nambat tuh zaguk sawmguk-le-guk ahi.

‍Huan khovel om tung a pan thahsa Belamnou' hinna laibu a amin tuangloute tengteng leh leitung a teng tengteng in amah abe ding uhi.

‍Mi tengteng, aneu leh alian, azawng ahau, sikha leh sikha lou, akhut taklam uh hiam, atal uh hiam ah chiamtehna piak in a-om chiat uhi; ‍huchi a kuamah in huai chiamtehna hiam, gamsa min hiam, ahihkeileh amin nambat neiloute'n lei thei lou hiam, zuak thei lou a a-omna ding in.

‍Kuapeuh sal a pi dingte sal a pi in a-om ding; kuapeuh namsau a thah dingte namsau a thah in a-om ding. Hiai ah misiangthoute kuhkalna leh ginna nei ding a chial ahi uh.

Tuipi piau a ka dinleh tuipi a kipan gamsa khat, kii sawm leh lu sagih nei, akiite tung a lallukhu sawm om chiat, alutungte a Pathian gensiatna om, hong paikhetou ka mu hi.

‍Huan dragon in gamsa kiang ah misiangthoute kidoupih ding leh amaute zou ding in phalna apia a; chi chih, pau chih leh nam chih tung a thuneihna leng apia hi.

‍Huan gamsa sik leh amitmuh a thillamdang hihtheihna piak a a-omna in ama'n leitung a tengte akhem a; huai gamsa namsau a satliam leh dam nawn lim bawl ding in lei a tengte thu apia hi. ‍Gamsa masa lim a nakna pe ding leh tua gamsa apau theihna ding in dragon in amah kiang ah thilhihtheihna apia a, huchi a gamsa lim be nuam lou tengteng leng athahsak theihna ding in.

‍Ka gamsa muh gialbem abang a, akhe vompi khe abang a, akam humpinelkai kam abang hi; dragon in athuneihna thupi leh alaltutphah leh athilhihtheihnate amah apia hi.

‍Huan gamsa kiang ah thil thupite leh Pathian gensiatnate genna ding kam piak in a-om a, huan akiang ah thuneihna piak in a-om hi; kha sawmli-le-nih thilhihtheihna piak ahi.

Alute lak a khat sihpih khop hial dia liam hileh kilawm in ka mu hi; sihpih khop hial dia liam pen hihdam in a-om a; huchi in leitung pumpi in huai gamsa lamdang sa in azuita uhi.

‍Huan gamsa dang khat leitung a kipat a hong pawtkhetou ka mu a; belamnou bang in kii nih anei a, dragon bang in thu agen hi. ‍Gamsa masapen thuneihna tengteng amitmuh in azang hi. Leitung leh asung a teng tengteng gamsa masapen, si khop hial a liam hihdam a om, be ding in asawl hi.