Popular Bible Verses from KILAKNA 12

Share

‍Belamnou sisan ziak leh atheihpih uh thu ziak in amah tung ah avualzouta ua; sih tanpha in leng ahinna uh a-it kei uhi.

‍Huan van ah aw ngaihtak mai ka za hi, “Tu'n ah i Pathian hotdamna ahong tungta, thilhihtheihna leh Khrist thuneihna; i unaute hekpa, i Pathian ma a sun leh zan a amau hekpa, paihkhiaksuk a a-om ziak in.

‍Dragon lian, gulpi tek, diabol leh Setan chih a ompa, khovel pumpi khempa leh amah nasem angelte toh van a kipan paihkhiaksuk in a-om uhi.

‍Huaiziak in kipak un, aw van leh nou asung a tengte, leitung leh tuipi a ding in atung uh agik; diabol in hun tomchik phet anei chih akitheih ziak in, aheh mahmah a na kiang uah ahong paisuk hi,” chi in.

‍Huan van ah kidouna a-om a; Mikael leh a-angelte dragon toh kidou ding in akuankhia ua; dragon leh a-angelte'n leng adouthuk uhi.

‍Numei tung ah dragon aheh mahmah a, asuan omsun, Pathian thupiak zuite leh Jesu thu theihpihte kidoupih ding in akuankhia hi.

Van ah chiamtehna thupi leh lamdangtak; numei khat ni a kizem, akhenuai a khapi sikden leh alutung a lallukhu aksi sawm-le-nih khu hong kimu hi. Ama'n nau apai a, nauvei leh suakkhe ding natna in akapkhia hi.

‍Ta pasal naupang, sikchiang a nam tengteng tung a vaihawm ding anei a; atapa pen Pathian leh alaltutphah ah laktouh in a-om a, ‍numei pen gamdai ah, Pathian in amah a dia amun bawlsak ah, huai ah ni sangkhat zanih-le-sawmguk khoi a om ding in atai hi.

‍Huan van ah chiamtehna dang khat ahong kilang a; ngai in, dragon san lianpi, lu sagih leh kii sawm nei, alutung a lallukhu sagih khu hong kilang hi. Amei in van a aksite mun thum a khen mun khat akaikhia a, leitung ah apaikhia a; dragon in huai numei nau nei ding a kisa, aneih chiang a anau nek zoh tum in ama ah adingh hi.

‍Himahleh huai numei kiang ah muvanlai thupitak kha nih piak in a-om a, gulpi mai a kipan gamdai mun a alenlut theihna ding in, huai ah hun khat sung leh hunte leh hun kimkhat sung vak in a-om hi. ‍Gulpi in akam a kipan in tuipi bang tui luang a numei ataihmangsak theihna ding in numei nung ah asekhia hi. ‍Lei in numei apanpih a, lei in akam aka a, dragon in akam a kipan a atui siatkhiak ana valhzohsak vekta hi.