Popular Bible Verses from 1 PETER 2

Share

Himahleh mial a kipan pawt a, vak lamdangtak a lut ding a nou hon sampa hoihna na muhsak theihna ding un, nou zaw chitel, kumpi siampu, nam siangthou, Pathian mite na hi uhi

Khelhna lam a si khin, adiktatna lam a i hintheihna ding in amah mah in tua sing ah asa in i khelhnate apua hi; avuakna golhte ah hihdam in na omta uhi. Belam mang bang in na mang ua, tu'n zaw nou hon chingpa leh heutupa kiang ah na kik nawnta uhi.

Nidanglai in nam himhim na hi kei ua; tu in zaw Pathian namte na hita uh; nidanglai in zahngaihna na mu kei ua, tu in zaw zahngaihna na muta uhi.

naungek suak thakte bang in khalam nawitui, bangmah hel louh lunggulh un; huai a na khantheihna ding un

Deihtakte aw, mikhual leh khualzin na hih ziak un kha dou nakpa taksa utnate tawpsan ding in nou ka hon ngen hi. Zentelte lak a na tatdan uh kilawmtak hi hen, huchi in thil hihkhial a, ahon gensiat chiang un leng na thil hoih hih amuhte uh ziak in veh a a-om chiang un Pathian apahtawi thei ding uhi.

Amah kiang a hong pai in, noute ngei leng suang hingte bang in Jesu Khrist ziak a Pathian kipah lam kithoihna lan ding a siampu siangthou hi ding in khalam inn ah leptouh in na om uhi.

Huchi in gitlouhna tengteng, khemna tengteng, lepchiahna tengteng, hazatna tengteng, gensiatna tengteng tawpsan unla

Amah suang hing, mihingte deih louh, Pathian theih a bel tel leh manpha ahi.

Noplen na hi ua, himahleh na noplenna uh khelhna khuhna ding a zang lou in Pathian sikha a omna ding in zang zaw un.

Hiai Pathian deihlam ahi, mihaite haina thil hoih hih in na hihdai thei ding uhi.