Popular Bible Verses from 1 PETER 1

Share

I Toupa Jesu Khrist leh Pa Pathian phat in om hen! Ama'n azahngaihna thupitak bang zel in, misi lak a kipan Jesu Khrist thohnawnna ziak in lametna hing mu ding in ahon piang thaksak nawn hi; goutan setheilou, nin baang lou, tul thei lou, van a nou a ding a sit muhna ding in

Tu in ze-etna chiteng ziak in hun sawt lou lungkham tadih mah le uchin, huai ah nakpitak in na kipak uhi. Na ginna uh ze-etna, dangka-eng mei a ze-et nung nangawn a mangthang zel sang a manphazaw, Jesu Khrist kilak chiang a phatna leh pahtawina leh thupina ding ahong hihtheihna ding in.

nou hon sampa asiangthou bang in nou leng na tatdan tengteng uah hong siangthou un; “Noute na siangthou ding uh ahi, kei ka siangthou ngal a,” chih gelh ahi.

Ta thumangte bang in, na theih louh lai ua na nidanglai duhgawlna uh bang a om lou in

Huaiziak in na lungsim puan uh teng in pilvang unla, Jesu Khrist kilak chiang a hehpihna nou ahon puak ding lungke lou in lamen un.

“Mi tengteng loupa bang ahi ua, athupina uh leng loupa pak bang ahi. Loupa avuai a, apak apulh hi. Toupa bel tangtawn in a-om gige hi,” chih ahi ngal a. Hiai ahi tanchinhoih nou ahon hilh pen uh.