Popular Bible Verses from THUVARHAI 3

Share

I lungril po poin LALPA chu ring la, Nanga hrietthiemna ringawta chun innghat naw rawh. I lampuihai po poa chun ama hre zing la, Amân i lampuihai chu suktluong a tih.

Nanga mithaia ringawt chun var naw la, LALPA chu ṭi la, rîtlona chu mâksan rawh.

I thilneia chun LALPA chu inza la, I hlâwkna po po rahmasahaia le chun, Chuongchun,i bu inhai chu tamtaka suksip nîng a ta, I sâwrna khurhai chu uoin tharin luong liem a tih.

Lunginsietna le thudik chun nghatsan naw sienla che: I rîngah vêt tlat la, I lungril phêk chunga chun ziek rawh.

Ka naupa, LALPA thununna chu ngainêp naw la, A kâwkna chu ngaitha bawk naw rawh. LALPA chun a hmangai chu a kâwk hlak a; Naupa a ilâwm chunga pain a kâwk ang elin.

Ka naupa, ka inchûktirna hi theinghil naw la, Ka thupêkhai hi i lungrilin vawng tlat lem raw se: Nihai seina le dam sûng kumhai, Thlamuongna leh an belsa ding che a ni sih a.

Varna hmu suok mi chu a hlim a, Hrietthiemna nei mi chu a hlim a nih. Chu thuomhnaw chu tangka thuomhnaw nêkin a ṭha lem a, Chutaka hlâwk khawm chu rângkachak inthieng nêkin a ṭha lem sih a. Lunghluhai nêkin a hlu lem a; Thil i dit theihai a ieng ieng le khawm chun hrilkhi ruol a ni nawh.

I kut thilthawtheinaa thaw thei a ni sûng chun, Thilṭha chu a chang âwm hrimhai kuoma chu inro naw rawh.

LALPA chun varnain hnuoi chu a hmu suok a; Hrietthiemnain vânhai chu ân ngîr bawk a.