THUVARHAI 3
3
Thuâwi dinga infuina
1Ka naupa, ka inchûktirna hi theinghil naw la,
Ka thupêkhai hi i lungrilin vawng tlat lem raw se:
2Nihai seina le dam sûng kumhai,
Thlamuongna leh an belsa ding che a ni sih a.
3Lunginsietna le thudik chun nghatsan naw sienla che:
I rîngah vêt tlat la,
I lungril phêk chunga chun ziek rawh.
4 #
Lk 2.52; Rom 12.17 Chuongchun, mihriem le Pathien mithmuah,
Hrietthiemna ṭha le ditsakna hmûng i tih.
5I lungril po poin LALPA chu ring la,
Nanga hrietthiemna ringawta chun innghat naw rawh.
6I lampuihai po poa chun ama hre zing la,
Amân i lampuihai chu suktluong a tih.
7 #
Rom 12.16 Nanga mithaia ringawt chun var naw la,
LALPA chu ṭi la, rîtlona chu mâksan rawh.
8I laibua#Rsv I taksa dingin hrisêlna nîng a ta,
I ruhai ta dingin thlin.#Insukharna, amanih “damdawi” ni bawk a tih.
9I thilneia chun LALPA chu inza la,
I hlâwkna po po rahmasahaia le chun,
10Chuongchun,i bu inhai chu tamtaka suksip nîng a ta,
I sâwrna khurhai chu uoin tharin luong liem a tih.
11 #
Job 5.17 Ka naupa, LALPA thununna chu ngainêp naw la,
A kâwkna chu ngaitha bawk naw rawh.
12 #
Tp 3.19 LALPA chun a hmangai chu a kâwk hlak a;
Naupa a ilâwm chunga pain a kâwk ang elin. #Heb 12.5-6
13Varna hmu suok mi chu a hlim a,
Hrietthiemna nei mi chu a hlim a nih.
14Chu thuomhnaw chu tangka thuomhnaw nêkin a ṭha lem a,
Chutaka hlâwk khawm chu rângkachak inthieng nêkin a ṭha lem sih a.
15Lunghluhai nêkin a hlu lem a;
Thil i dit theihai a ieng ieng le khawm chun hrilkhi ruol a ni nawh.
16A kut changtieng chun nihai seina chu a um a;
A kut vawitieng chun hausaknahai le inzaumna an um bawk a.
17A lampuihai chu inhawitirna lampui an na,
A lampuihai po po chu thlamuongna a nih.
18Ama cheltuhai ta ding chun hringna thing kûng a na,
Ama kawl tlat theitu chu a hlim a nih.
19LALPA chun varnain hnuoi chu a hmu suok a;
Hrietthiemnain vânhai chu ân ngîr bawk a.
20A hrietnain lithûkhai chu a sukdar#siem a, annawleh “an hung luong suok a,” a: a,
Vânhai#Sûmhai. Hebraiah a chieng nawh. chun daidâw an insûrtir a.
21Ka naupa, i mithmuhaia inthawk chun anni chu infehmangtir naw la,
Ngairuotthiemna le varna hrisêl chu kawl tlat rawh.
22Chuongchun, i thlarau ta dingin hringna nîng an ta,
I rîng ta dingin zângaina nîng an tih.
23Chun, i lampuiah himtakin fe tâng i ta,
I ke khawm insui ta naw nih.
24I zâl pha khawm chun, ṭi ta naw ti nih a,
Anih, zâl i ta, îmu inhniktakin in i tih.
25Ṭina thut chu ṭi naw la,
Mi khawhlo sukṭitna#Sietna, Suksietna a hung pha khawm ṭi bawk naw rawh.
26LALPA chu i ringsan nîng a ta,
I ke chu lâk hmangnaa inthawkin a vêng ding a ni sih a.
27I kut thilthawtheinaa thaw thei a ni sûng chun,
Thilṭha chu a chang âwm hrimhai kuoma chu inro naw rawh.
28I tuolbâwm kuoma chun, “Fe la, hung nâwk rawh,
Zîngah pêng ka tih,” ti naw rawh,
Nangin i nei lai a ni phawt chun.
29I lakah lungmuongtaka#Ringzona a um hmu zing si chun,
I tuolbâwm chunga chun thil ṭha naw suongtuo naw.
30Nang a sukpawi naw che chun,
A san boin mi insukbuoipui naw rawh.
31Mi nunrâwng chu inhnar naw la,
A lampuihai hrim hrim chu thlang ngai naw rawh;
32Khêlinhlipna hi LALPA ngaia chun tirdakum a ni sih a.
A thurâwn ruok chu mi tluong kuomah a um.
33LALPA ṭawngsie chu mi khawhlo inah a um a,
Mi fel chêngna ruok chu mal a sâwm hlak.
34 #
Jak 4.6; 1 Pet 5.5 Hmusittuhai chu a hmusit ngei ngei a,
Inngaitlâwmhai ruok chu zângaina a pêk hlak.
35Mi var chun ropuina chu hluong a ta,
Amiruokchu, invêthai kaisângna chu inzakna nîng a tih.#Invêthai ruok chun muolphona an chawisâng Or Invêthai.... thil inzapuium hai an ngaina
Currently Selected:
THUVARHAI 3: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
