Popular Bible Verses from THUVARHAI 2

Share

LALPA chun varna a pêk sih a; A baua inthawk chun hrietna le hrietthiemna hung suok a tih.

Ka naupa, ka thuhai hi i pawm a, Nangmaa ka thupêkhai hi i siekhâwl a, Chuonga varna tienga i na chu i sit a, Hrietthiemna tienga i lungril chu i hmang chun; Anih, ngairuotdikna chu i ko a, Hrietthiemna koa i râwl în suo bawk a, Tangka anga i zawng a, Ro phûm rûkhai anga i zawng suok chun; LALPA ṭitna chu hung hre tâng i ta, Pathien hrietna chu hmu suok tâng i tih.

Mi tluong ta ding chun varna hrisêl chu a siekhâwl a; Lungril ṭhataka fetuhai ta ding chun phaw a nih. Rorêlna lampuihai chu a vênghim theina ding le, A mi inthienghai lampui chu a vawngṭhatna dingin.

Mi tluong chu rama chun chêng a ta, Mi ṭha famkim chu a um zing ding a ni sih a. Nisienlakhawm, mi khawhlo chu rama inthawka sât thlâk nîng a ta, Bawsetuhai chu amaa inthawk chun zunga phawi hmangin um an tih.

Hmêlmak nuhmeia inthawka sansuok ding chein, A bâuthluma zaihlêmtu che, ram dang mi ngeia inthawk chun; A tleirâwl lai ṭhien chu nghatsan a, A Pathien thuthlung theinghiltua inthawk chun.