Popular Bible Verses from THUVARHAI 18

Share

Thina le hringna hi lei thilthawtheinaa um an na, Achu hmangaitu chun chutaka inthawka ra chu fâng a tih.

LALPA hming chu kulbîng dettak a na, Mi fel chu chutaka chun a tlân lût a, a him hlak.

Ruolhai tamtak siemtu chun ama sietna ding el a thaw a nih, Amiruokchu, ruol unau nêka hnai lema kawp tlat chu a um a nih.

Tukhawm nuhmei hmutu chun thil ṭha a hmu a nih, LALPA ditsakna khawm a chang a nih.

A hriet hmaa dawnna petu chu, A ta dingin inzakum le invêtna a nih.

Invêt chun hrietthiemnaa chun lâwmna a nei nawh a, A lungrila ama le ama ân hmu suok theina chaua naw khan chu.

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.