Popular Bible Verses from ISAI 53

Share

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thu- nunna chu a chungah a tlah a, a vuokna invuolhaia sukdamin ei um tah.

Ei rêng hin berâm angin ei invâk hmang a, mâni lampui sengah ei pêt a; LALPA chun ama chunga chun ei rênga khawhlona chu ân nghat tah a.

Ama chun ei natnahai phurin, ei lungngainahai khawm a phur ngei a; nisienlakhawm,eini chun lungngaina ivurkhumah, Pathien vuokah, suk- rinumah, ei ngai sih a.

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

Nisienlakhawm, LALPAIN ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, LALPA dit zâwng chu a kuta hlawtlingin um a tih.

A hmaa chun thil ṭo innotak angin ama chu ân dâwn suok sih a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei nawh a, ama ei hmuin ama ei ditna dingin mawina hrim hrim a nei nawh.

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

Nêksâwrna le rorêlna lâk hmangin a um a; a dam ruolpuihai lem chun tuin am mi hring rama inthawka sukbohmanga a um chu ngaituo hrim an ta? Ka mihai baw- sietna leiin lungngaina invurkhumin a um a nih.

Chun, thil nunsetaka thaw ngai loin, a bauah hlêmna hrim hrim um ngai naw sien khawm, a thlân chu mi suolhai kuomah an ruotpêk a, a thi hnung chun mi hausa kuom tieng a um a.