Popular Bible Verses from ROM 3

Share

mi vialte an sual dih cang i Pathian sunparnâk an co kho ti lo, Jesuh Krih i a ummi tlanhnâk in a zângfahnâk ruangah man loin thiamcoter an si.

cucu Pathian dinnâk, Jesuh Krih zumh ruangah a zummi vialte sin i langhtermi cu a si. Zeitintiah thleidannâk zeihmanh a um lo

Pathian lung saunâk nih cuhlan i sualnâk rak tuahmi kha hngalhpiak ti loin a dinnâk langhter nâkah zumhnâk in a thisen cu lungdamternâk bangin Pathian nih a umtermi a si, atu cân ah a dinnâk langhter nâkah, amah zong cu midik a si khawh nâkhnga le Jesuh zumtu pauh thiamcotertu a si khawh nâkhnga.

Cucaah nawlbia tuahsernâk in a hmai ah thiamcomi ahohmanh an um lai lo; zeitintiah nawlbia cu sual hngalhnâk a si.

Hitihin ṭial a si: Ahohmanh miding an um lo, pakhat hmanh an um lo. Ahohmanh theithiammi an um lo, ahohmanh Pathian a kawlmi an um lo. An dih lakin an pial dih cang, an dih lakin zeihmanh loah an cang dih. Ahohmanh ṭhatnâk tuahmi an um lo, pakhat te hmanh an um lo.

Cucaah nawlbia tuahsernâk si loin zumhnâk in mi nih thiam an co deuh.

Si naisai hlah! Pathian cu a dikmi si sehlaw, mikip hi lih chimmi si hna seh. “Nang nih Na bia in thiam na co i biaceih na si tikah na tei khawh nâkhnga,” tiah ṭialmi bang khan.