Popular Bible Verses from ROM 4

Share

Pathian biakam cu lunghrinh in a pialtâk lo, a zumhnâk tu a ṭhawng chin i Pathian tu thangṭhatnâk a pêk i A biakam cu Amah nih a tlinter khawh tiah a dihumnâk in a zumh.

A zumhmi Pathian, mithi hna nuntertu le a um lomi thil zong a ummi bang i a autu hmai ah, (tefa tampi pa ah kan siter, tiah ṭial a rak si cang).

Amah cu kan nawlbuarnâk ruangah tlaih a si i thiam kan co khawh nâkhnga thawhter a si.

Ruahchan ding a um lo lio zongah, i ruahchan ngaiin a zumh, cucu miphun tampi pa ah a can khawhnâk zong a si. “Khizat khin na tefa hna cu an um te lai tiah” chimh a si bantuk khan.

Cucaah biakamnâk nih mi vialte a khumh khawh nâkhnga nawlbia ngeitu hna lawng si loin, kan dihlak zumhnâk pa Abraham bantuk i zumhnâk ngeitu zong a khumhchih khawh nâkhnga zumhnâk thawngin zângfahnâk i pêk a si.

“An nawl buarnâk ngaihthiam a simi hna le, an sualnâk khuhpiak a simi hna cu lunglawmmi an si. Bawipa nih sualnâk ngei i a ruah lomi cu lunglawmmi an si.” tiah a ti.

Zeitintiah Cathiang nih zeidah a chim? “Abraham nih Pathian a zumh i cucu a dinnâk ah ruahpiak a si.” tiah a ti.