Popular Bible Verses from ROM 14

Share

zeitintiah Pathian pennâk cu ei le din a si lo, dinnâk le daihnâk, Thiang Thlarau ah i lawmhnâk te hna hi an si. Cubantukin Krih riantuantu hna cu Pathian lomhmi le minung zong nih an cohlanmi an si.

Kan nun le Bawipa caah kan nung i kan thih le Bawipa caah kan thi. Cucaah kan nun ah siseh kan thih ah siseh Bawipa ta kan si.

Cucaah daihnâk a sertu thil hna le midang thazâng petu a simi thil kha dawi hna u sih.

Cucaah i sawi ti hlah u sih, aho pauh nih mah unau caah dawntu le tluktertu si lo kha i tim cio u sih.

Zeitintiah hitihin ṭial a si, “Ka nun bangin, khuk vialte ka hmaiah an i bil lai i lei vialte zong Pathian hmai ah an i phuang lai,” tiah Bawipa nih a ti. Cuticun kan dih lakin Pathian sinah kanmah kong cio kan chim te lai.

Zumhnâk i zângdermi kha cohlang hna u, an lunghrinhmi thil kha al hna hlah u.

Midang sin-um a sawitu cu ahodah na si? A dirah siseh, a tlukah siseh, amah uktu sinah a si. Asinain amah cu dirter a si ko lai, zeitintiah Pathian nih a dirter khawh ko.