Popular Bible Verses from ROM 15

Share

Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh.

Zeitintiah Cathiang chungah inkhawhnâk, hnangamnâk le ruahchannâk kan ngeih khawh nâkhnga hlan lioah an rak ṭialmi hna kha kanmah cawnpiaknâk dingah ṭialmi an si.

Cubangin lungsaunâk le hnangamnâk Pathian nih Krih Jesuh bia bantukin pakhat le pakhat ruahnâk pakhat in ngeihter hna seh. Cuticun lungthin pakhat le kâ pakhat in Pathian le kan Bawipa Jesuh Krih a Pa kha nan thangṭhat khawh lai.

Cucaah Krih nih Pathian sunparnâk dingah an cohlan hna bantukin nannih zong pakhat le pakhat i cohlang ve u.

Kan dihlak in mah le innpa ṭhatnâk le ṭhathnemnâk caah lawmhter i tim cio usih.